Oǵan 700-deı jastar ókili qatysty. Olardyń qatarynda: stýdentter, belsendiler, blogerler, jas ártister bar.  Joba qatysýshylary jeti topqa bólinip, elimizdiń eń qyzyqty, tarıhı jáne kıeli jerlerimen tanysady, – dep habarlaıdy Qamshy.kz aqparat agenttigi.

Shyǵys Qazaqstannyń tarıhı ári mazmundy jerlerimen tanysý úshin 100 bala keldi. Sondaı-aq, Qazaq ınovasıalyq gýmanıtarlyq – zań ýnıversıtetiniń daıyndaǵan jastar festıvaliniń qonaǵy boldy. Kesh qonaqtary úshin Semeı jastarynyń oryndaýynda tanymal ánder shyrqalyp, ashyq aspan astyndaǵy fılmdi tamashalady.

– Biz Shyǵys Qazaqstan oblysynda tórt kún bolamyz. Osy ýaqyt ishinde biz óńirdiń barlyq tarıhı jáne kıeli jerlerine barýdy josparlap otyrmyz. Jalpy bizdiń joba jastar týrızmin damytýǵa baǵyttalǵan. Biz bul sapardan úlken áser aldyq, sondaı-aq jergilikti turǵyndardyń qonaqjaılylyǵyn atap ótpeýge bolmaıdy, – dedi Jastar Kongresiniń menedjeri Janbota Pashen.

"Jastar kerýeni" jobasynyń  uıymdastyrýshylarynyń aıtýynsha, eger osy jyly ol sátti aıaqtalsa, onda bolashaqta joba mindetti túrde jalǵasyn tabady.

Semeı qalasynyń aqparattyq ortalyǵy