Bıylǵy jyly atalǵan avtokólik jolyn qaıta jańǵyrtý jumystaryn jalǵastyrý maqsatynda respýblıkalyq búdjetten 976 mln. 800 myń teńge qarjy bólinip, búgingi kúnge asfált jamylǵysyn tóseý jumystary júrgizilýde. Bul týraly óńirlik komýnıkasıaıalar qyzmetinde ótken brıfıńte Úrjar aýdanynyń ákimi Serik Zaınýldın aıtyp berdi.
– Byltyr respýblıkalyq mańyzy bar «Taldyqorǵan – Qalbata – Óskemen» avtokólik jolynyń 615-705 shaqyrymyna qaıta jańǵyrtý jumystary bastalyp aınalma jol jasaldy. Joba 2018-2021 jyldar aralyǵynda iske asyrylady, – dedi Serik Zaınýldın.
Oblystyq mańyzy bar «Maqanshy–Jalańashkól» avtokólik jolynyń 66-133 shaqyrymdaryn ortasha jóndeý jumystary júrgizilip, 67 shaqyrym avtokólik joly tolyqtaı jóndeýden ótti. Sol sekildi, 2018 jyly oblystyq búdjet esebinen Úrjar aýylynyń 5 kóshesine ortasha jóndeý jumystaryna 100 mln teńge bólinip, aýdan ortalyǵyndaǵy 5 kóshege jóndeý jumystary júrgizildi.
– Jergilikti mańyzy bar avtokólik joldaryn aǵymdy jáne kútip ustaý jumystaryna bıylǵy jyly 236 mln 600 myń teńge kóleminde qarjy qarastyryldy. Josparǵa sáıkes, Úrjar aýdanynyń eldi mekenderindegi kóshe joldaryna aǵymdy jóndeý jumystary júrgizilýde. Sol sekildi, jergilikti mańyzy bar «Úrjar – Barqytbel», «Joǵarǵy Eginsý aýylynyń kireberisi» jáne «Kókterek – Qaıyndy – Qyzylbulaq» avtokólik joldaryna aǵymdy jóndeý jumystary júrgizildi, – dedi Serik Zaınýldın.
Pikir qaldyrý