Bul týraly óńirlik komýnıkasıaıalar qyzmetinde ótken brıfıńte Úrjar aýdanynyń ákimi Serik Zaınýldın aıtyp berdi.
Atalmysh nysannyń qurylys jumystaryna respýblıkalyq búdjetten 316 mln. 900 myń teńge, jergilikti (aýdandyq) búdjetten 28 mln. 800 myń tenge bólinip, memlekettik satyp alý konkýrsy júrgizilýde.
Aǵymdaǵy jyly áleýmettik álsiz toptaǵy azamattarǵa arnalǵan baǵdarlamany iske asyrý maqsatynda Úrjar aýylyndaǵy 60 páterli turǵyn úı nysanynyń búdjettik ótinimi SHQO qurylys, sáýlet jáne qala qurylysy basqarmasyna ótkizildi. Jobanyń quny 713 mln. 500 myń teńge.
– Osy úılerdi syrtqy ınjenerlik jelilermen (elektr jelisimen, sýmen, káriz júıesimen, telefon jelisimen, jylý júıesimen) qamtamasyz etý maqsatynda jobalaý-smetalyq qujattamalar ázirlenip, saraptamadan ótkizildi. Jobanyń quny 174,0 mln. teńge. Syrtqy ınjenerlik jelilerin tartý jumystaryn bastaýǵa jergilikti búdjetten 500 myń teńge bólinip memlekettik satyp-alý konkýrsy júrgizilýde, – dedi Serik Zaınýldın.
