Bul týraly aımaqtyq komýnıkasıalar qyzmetinde ótken brıfıńte Úrjar aýdanynyń ákimi Serik Zaınýldın málim etti.
– Alakól jaǵalaýy adam tanymastaı ózgeredi. Osy maqsatta tıisti jumystar atqarylaýda. Máselen Alakól jaǵalaýynda konsert ótkizetin arnaıy oryn ashylady. Oǵan jeke ınvestor tartylady, – dedi Serik Zaınýldın.
Aldaǵy jyldary Alakól jaǵalaýynda barlyq talapqa sáıkes keletin saýda oryndary, avtoturaqtar salynady. Budan bólek beınebaqylaý kameralarynyń sany artady.
Aıta keteıik, bıyl Alakóldegi demalýshylar sany orta eseppen alǵanda 750 myń adamdy qurap otyr. Bul ótken jylǵy kórsetkishpen salystyrǵanda 25 paıyzǵa artyq.
Aǵymdaǵy jyly týrısik qyzmetten 108 mıllıon teńge salyq tústi. Sondaı-aq eseptik kezeńde Alakól kóli jaǵalaýynda 6 kásipkerlik nysan iske qosylyp, aýdan ekonomıkasyna 1 mlrd 145 mln 900 myń teńge kóleminde ınvestısıa tartyldy. Aldaǵy jyldary Alakól kóli jaǵalaýyndaǵy sý qubyry qurylysynyń jobalyq smetalyq qujattaryn daıyndaýǵa 17 mln. 200 myń teńge, Alakól kóli jaǵalaýyndaǵy káriz jelileri men súzgileý alańdaryn qurylysyna JSQ ázirleýge 20 mln.teńge, Alakól jaǵalaýyndaǵy jer telimin qurǵatý úshin sý burý kanalynyń qurylysyna JSQ ázirleýge jergilikti búdjetten 14 mln. 500 myń teńge bólinip, jobalar ázirlenýde.
