Jambyl oblysy Jambyl aýdanynda jan jadyratar tirshilik barshylyq. Munda jastar saıasaty jolǵa qoıylyp, eldiń erteńi sanalǵan býynǵa barynsha qoldaý kórsetilýde. Sonyń nátıjesinde búginde eldi mekende qoǵamdyq ómirge aralasqan belsendi jastar az emes dep jazady Qamshy.kz aqparat agenttigi. 

Búgingi tańda aýdandaǵy jastar sany 19 485 adamǵa jetip, jalpy halyq sanynyń 23,7 paıyzyn qurap otyr. Onyń ishinde 4 078 jas bilimger bolsa, 2018-2019 jylǵy oqý jylyndaǵy aýdandaǵy orta mektepterdegi jalpy oqýshylar sany 14 983, onyń ishinde 14-18 jas aralyǵyndaǵy jastar sany 3 684 quraıdy. Jumysqa ornalasqandar sany 526 adam, onyń ishinde turaqty jumysqa ornalasqan 141 jas, «Jastar tájirıbesi» baǵdarlamasymen 168 jas, kásibı oqýǵa 105 jas, kásipkerlik negizderine oqýǵa 56 jas joldandy.

2019 jyly jasóspirimder men jastardyń bos ýaqytyn tıimdi ótkizý baǵytynda 169 is-shara ótkizildi. Basylym betterinde, aǵymdaǵy jyly memlekettik jastar saıasatyna qatysty osy kúnge deıin barlyǵy 16 maqala jarıalansa, onyń ishinde 2-y oblystyq, 14 maqala aýdandyq gazette jarıalandy. Sondaı-aq, áleýmettik jelilerde 180-ke jýyq materıaldar shyǵaryldy.

«Jastar resýrstyq ortalyǵynda» 1120-ke jýyq jasqa keńester berildi.

Budan bólek, aýdanda sý qoımalary men kanaldardyń da jumysy jolǵa qoıylǵan. Máselen aýdan kóleminde jalpy syıymdylyǵy 21,9 mıllıon tekshe metrdi quraıtyn 7 aýyldyq okrýgte ornalasqan 22 sý qoımalary men toǵandar bar. Olarda naqty jınalǵan sý kólemi – 11,7 mıllıon tekshe metr nemese 53,4 paıyz.

5 sý qoımasy baqylaýda. 17-i qanaǵattanarlyq jaǵdaıda. Menshik quqyǵy boıynsha «Jambyl sý qoımalary» KMM – 21, jeke – 1.

Kanaldarǵa kelsek, aýdan boıynsha uzyndyǵy 529,34 shq quraıtyn 25 kanal bar. Onyń 307,57 shaqyrym topyraqty, 221,77 shaqyrym betondalǵan.

Ótkizý syıymdylyǵy – 84,1 tekshe metr.

Kanaldar 3 júıeniń quramynda:Asa ózeni boıynsha – 18 kanal (uzyndyǵy – 394,56 shq);Talas ózeni boıynsha – 5 kanal (uzyndyǵy – 83,1 shq);Besaǵash qaınary boıynsha – 2 kanal (uzyndyǵy – 51,68 shq).

Kanaldardyń barlyǵy RGP «Kazvodhoz»-dyń teńgeriminde.

Árıne bul sý qoımalary men kanaldardyń aýyl sharýashylyǵy úshin qajeti zor. Oǵan qosa Memleket basshysy Qasym-Jomart Toqaev ta óz joldaýynda sýarmaly egistik kólemin ulǵaıtyp, ónimdi eseleýdi tapsyrdy. Sondyqtan bul jumystardyń da buqaraǵa bereri mol.