Almaty ákimdiginiń baspasóz ortalyǵynda ótken brıfıńte Medeý aýdanynyń ákimi Sultanbek Mákejanov ınjenerlik jelilerdi salý jáne aımaqty abattandyrý týraly aıtty, dep habarlaıdy almaty.gov.kz saıty.

Mysaly, aýdanda jalpy jaıaý júrginshi aımaǵy 5,8 km bolatyn Dostyq dańǵyly men Áıteke bı kóshesi jóndelýde.

Aýdandaǵy 118 úıdiń 52 aýlasyn abattandyrý boıynsha jumystar júrýde. Keler jyly 18 aýlaǵa kúrdeli, 30 aýlaǵa aǵymdaǵy jóndeý jumystaryn júrgizý josparlanǵan.

Turǵyn úılerdi modernızasıalaý aıaqtaldy – 17 úıdiń lıftteri aýystyryldy, 17 úıge kúrdeli jóndeý júrgizildi, shatyry men ınjenerlik jelileri jańardy.

Uzyndyǵy 2 km bolatyn Esentaı ózeniniń jaǵasyn rekonstrýksıalaý men abattandyrý aıaqtalyp qaldy. «Terisbulaq» ózeniniń jaǵalaýy jóndelýde. Sulýsaı yqshamaýdanynyń joldaryna kúrdeli jóndeý júrgizilýde.

Bulardan ózge, Dýman yqshamaýdanynda jalpy uzyndyǵy 45 km bolatyn sýmen qamtıtyn jáne sý bóletin ınjenerlik jeliler tartylýda. Uzyndyǵy 5,8 km bolatyn 12 kóshege sý jelileri tartylýda, 2,5 km qubyrlar júrgizildi.