Bul týraly Medeý aýdanynyń ákimi Sultanbek Mákejanov qala ákimdiginiń baspasóz ortalyǵynda ótken brıfıńte habarlady, dep jazady almaty.gov.kz.

Negizgi kapıtalǵa jumsalǵan ınvestısıa kólemi 99,8 mlrd teńge nemese qalalyq kórsetkishtiń 25%. Syrtqy ınvestısıa kólemi 25,4 mlrd teńge nemese qalalyq kórsetkishtiń 46%.

«Mundaı ekonomıkalyq kórsetkishterge belsendi kásipkerlerdiń arqasynda qol jetti, ıaǵnı aýdanda SHOB-tiń 12 myńǵa jýyq sýbektisi bar, olarda 150 myńnan astam adam jumys isteıdi. Qazirgi kezde aýdanda qalyptasqan jaıly ınvestısıalyq ahýal barysynda jalpy somasy 300 mlrd teńgege jýyq jeke ınvestısıa 28 iri nysandy salýǵa múmkindik beredi, sonyń arqasynda myńnan astam turaqty jańa jumys oryndary ashylatyn bolady», –  dep atap ótti aýdan ákimi.

Aýdan ákiminiń sózi boıynsha, 14 turǵyn kesheninde 983 myń kv. m. sharshy metrli 85 úıdiń (7100 páter) qurylysy júrýde. Sonymen qatar, 4 halyqaralyq bilim nysany – «Samal-3» yqshamaýdanyndaǵy 800 oryndy «Samal bilim» mektebi, SHAAJ 540 oryndy fın-amerıkandyq mektep, «Sabıs» halyqaralyq mektebi. Taýly qyrat yqshamaýdanyndaǵy mýzyka mektebiniń jobasy jasalýda.

Budan ózge, Qulja trassasy boıyndaǵy «Lerýa Merlen», «Eýrazıa forýmy» OSO qurylysyna jalpy quny 6 mlrd-tan astam ınvestısıa salyndy.

Aýdanda 200 adam qabyldaıtyn emhana men Taýly qyrat yqshamaýdanynda medortalyq, sondaı-aq mádenıet, sport, týrızm jáne bıznes nysandary salynady.