Bostandyq aýdanynyń 86 kópbalaly otbasy «Baqytty otbasy» ortalyǵynda keńes pen áleýmettik kómek aldy. Bul týraly Almaty qalasy ákimdiginiń baspasóz ortalyǵynda Bostandyq aýdanynyń ákimi Altaı Rahymbetov málimdedi, dep jazady almaty.gov.kz.

Onyń aıtýynsha, aýdanda turǵyndardyń áleýmettik máselelerin sheshýge erekshe kóńil bólinedi. «Baqytty otbasy» otbasyn qoldaý ortalyǵy ashylyp, «İsker ana» jobasy júzege asýda.

Joba aıasynda kópbalaly jáne az qamtylǵan otbasylardan shyqqan 8 adam «Atameken» UKP-nyń «Bastaý» oqýyna jiberildi, qazan aıynan bastap taǵy 60 adam oqytylady. Qazirgi ýaqytta Bostandyq aýdanynda 1234 kópbalaly otbasy turady, onyń 86-sy «Baqytty otbasy» ortalyǵynda áleýmettik kómek pen keńes aldy.

375 otbasyna (1837 adam) AÁK taǵaıyndalyp, tólendi. Sonyń ishinde 249 kópbalaly otbasy bar. Sonymen qatar, aýdannyń kásiporyndarymen birlesip aýdannyń 269 kópbalaly otbasyna qaıyrymdylyq aksıalary ótkizildi.