Bala baqyty basty nazarda

/image/2019/10/10/crop-18_17_826x1239_3kaljpirbnq.jpg

Qazaqstan Respýblıkasy Prezıdenti Ákimshiligi janyndaǵy balalardyń quqyqtary men zańdy múddelerin qorǵaýdy qamtamasyz etý júıesin jetildirý týraly usynystardy zerdeleý jáne jınaqtaý máseleleri jónindegi jumys tobyn Jambyl oblysyna bastap kelgen «Nur Otan» partıasynyń konsýltanty Mansıa Iskazına Jýaly aýdanynda jumys saparymen boldy, dep jazady Qamshy.kz aqparat agenttigi. 

Jýaly aýdanyna kelgen quramynda jumys tobynyń basshysy, «Nur Otan» partıasynyń konsýltanty Mansıa Iskazına, QR Bilim jáne ǵylym mınıstrligi Balalar quqyqtaryn qorǵaý komıtetiniń mamany Álıa Jekenova bar jumys tobyn aýdan ákimi Narbaı Ergebekov qabyldady. Mansıa Aıapbergenqyzy óńirlerde atalǵan baǵytta «Baqytty otbasy» partıalyq jobasynyń tabyspen iske asyrylyp jatqanyn eske sala kele, aımaq basshysyn jobanyń birqatar baǵyttarynyń oryndalý barysynan habardar etti. Narbaı Ábilqasymuly óz kezeginde aýdanda balalardyń quqyqtary men zańdy múddelerin qamtamasyz etý baǵytynda atqarylyp jatqan jumystardyń barysymen tanystyra kele, top jumysyna sáttilik tiledi. Ol sondaı-aq, balalardyń jazǵy demalysyn uıymdastyrýda bir ǵana lagerdiń azdyq etetinin aıtyp, aýdan aýmaǵynda ornalasqan, alaıda buryn kórshiles Talas aýdanynyń menshigine ótken «Juryndysaı» saýyqtyrý lagerin aýdan menshigine alýdy qarastyrý, oqýshy jastardyń bos ýaqytyn tıimdi ótkizý jáne túrli qabiletterge beıimdeý maqsatynda oqýshylar saraıyn salý, jaqynda ashylǵan múmkindigi shekteýli balalardy ońaltý ortalyǵyn qarjylaı demeý máselelerin sheshý týraly usynysyn jetkizdi. Balalar jáne jasóspirimder sport mektebinde bolǵanda jumys tobynyń músheleri mekemede balalardyń jattyǵýyna jáne sportpen shuǵyldanýyna jasalǵan jaǵdaımen tanysty. Olar jasóspirim sportshylar jýynatyn, sheshinetin bólmelerdi aralap, jabdyqtalýyna, sport qural-saımandarynyń jumysyna nazar aýdardy. Jumys tobymen birge júrgen aýdan ákiminiń orynbasary Erbol Jańabaevqa, «Nur Otan» partıasy aýdandyq fılıaly tóraǵasynyń birinshi orynbasary Anar Ahmetovaǵa, dene shynyqtyrý jáne sport bóliminiń basshysy Maqsutbek Arzymbetovke minezi qıyn balalardy sportqa tartý arqyly túzeý sharalaryna, sonymen birge múmkindigi shekteýli balalardyń da sportpen shuǵyldanýyna jaǵdaı jasaý qajettigine basa kóńil bólý qajettigin eskertti.

Pikir qaldyrý

Qatysty Maqalalar