Aýyl sharýashylyǵyn damytý joldarynyń biri – kooperatıvter quryp, onyń jumysyn júıeli uıymdastyrý bolyp otyrǵany belgili. Bul jaǵdaıda Jambyl oblysynda sharýa qojalyqtary kooperatıvterge birigip, ózderiniń óndirgen ónimderin, onyń ishinde, sút, qus ónimderin, et, kókónisterin bir kózden ótkerýge múmkindikter alýda.

Sharýashylyqty irilendirý isiniń ıgilikke bastaıtynyn Baızaq aýdanynyń sharýalary jete túsinip, bul iste belsendilik tanytyp otyr. Máselen, aýdandaǵy Jańaturmys, Qostóbe, Báıterek, Túımekent, Yntymaq, Dıqan, Býryl jáne Úlgili aýyldyq okrýgterindegi jalpy 9 kooperatıvter jumys atqarýda.

Bıyl 2017-2018 jyldary jeke qosalqy sharýashylyq negizinde qurylǵan 7 kooperatıvterdiń jáne 2019 jyly jańadan qurylǵan 4 kooperatıvtiń jumystaryn jandandyryp, nesıelendirý baǵytynda jumystar júrgiziletin bolady. Onyń ishinde 6-y sút, 1-i et, 2-i kókónis, 1-i qus jáne 1-i et, jún, teri jınaý baǵytynda.

Atap aıtqanda, Sarykemer aýyldyq okrýgindegi et, jún jáne teri jınaý baǵytyndaǵy «Bereke-17» ASHK 5 mln. teńge qarjy aınalymyna «ASHQQQ» AQ-na ótinim berip, kepildik boıynsha kemshiliktirdi joıýda. Botamoınaq aýyldyq okrýgindegi sút baǵytyndaǵy «Aqbulaq 2019» ASHK (2019 jyly tirkelgen) 3 mln. teńgege tanker jáne traktor agregattarymen alý úshin bıznes jospar daıyndap, «ASHQQQ» AQ-na tıisti qujattaryn daıyndaýda, kepildik boıynsha kemshilikterdi joıýda.

Býryl aýyldyq okrýgindegi kókónis baǵytyndaǵy «Bashatov» ASHK 11 mln. teńgege jeldetkishter men muzdatqyshtar alý úshin 12 mln. teńge qarjy aınalymyna «ASHQQQ» AQ-na ótinim berip, qujattary maquldandy, qarjy alýdy kútip otyr.Jalǵyztóbe aýyldyq okrýgindegi et baǵytyndaǵy «Kemelbek Ata» ASHK qajetti nesıe MİQ basyn ulǵaıtýǵa qarjy aınalymyna 20 mln. teńge alý úshin bıznes josparyn daıyndap, ASHQQQ-na qujattaryn ótkizdi, sheshimin kútýde. Kóktal aýyldyq okrýgindegi qus baǵytyndaǵy «Kóktal samaly» ASHK 3 mln. teńgege ınkýbasıa qondyrǵylaryn alý úshin bıznes qaıta josparyn daıyndalýda. ASHQQQ-na ótinim berilgen joq.

Kópterek aýyldyq okrýgindegi sút baǵytyndaǵy «Aq Bastaý» ASHK (2019 jyly tirkelgen) 3 mln. teńgege tanker alý úshin bıznes jospar daıyndaldy. Búgingi kúnge sút qabyldaıtyn oryn tappaı otyr. ASHQQQ-na ótinim berilgen joq.

Qyzyl juldyz aýyldyq okrýgindegi «Aldyhan» ASHK 2017 jyly et baǵytyna ashylǵan, búgingi kúnge kókónis baǵytyna aýysty. «ASHQQQ» AQ-na nesıe alý úshin tıisti qujattaryn daıyndaýda. Myrzataı aýyldyq okrýgindegi sút baǵytyndaǵy «Qara Býra DÁRS» ASHK (2019 jyly tirkelgen) 3 mln. teńgege tanker alý úshin bıznes jospary daıyndaldy, kepildik boıynsha kemshilikterdi joıýda.

Sazterek aýyldyq okrýgindegi sút baǵytyndaǵy «Dán-2017» ASHK 12 mln. teńgege sút quıatyn jeli alý úshin bıznes-josparyn qaıta daıyndap, «ASHQQQ» AQ-na qujattaryn ótkizip, sheshimin kútýde. Sýhanbaev aýyldyq okrýgindegi sút baǵytyndaǵy «Baqyt-Bereke-Birlik» ASHK jalpy 7,5 mln. teńgege tanker jáne sút tasymaldaıtyn avtokólik alý úshin bıznes jospary daıyndaldy, «ASHQQQ» AQ-na tıisti qujattaryn daıyndaýda.

Temirbek aýyldyq okrýgindegi sút baǵytyndaǵy «Bio Dairy» ASHK (2019 jyly tirkelgen) jalpy 29 mln. teńgege tanker, muzdatqysh sút quıatyn jeli, sút tasymaldaıtyn avtokólik, jem-shóp maıdalaǵysh jáne kombaın alý úshin bıznes jospary men qujattaryn daıyndap, «Agrarlyq nesıe korporasıasyna» AQ-na tekserýge ótkizip, sheshimin kútýde. Sonymen qatar, Jambyl obylysy turǵyndarynyń turmystyq tabysyn jaqsartý jobasy aıasynda, Baızaq aýdany boıynsha pılottyq okrýg bolyp belgilengen Qostóbe aýyldyq okrýginde «Qostóbe-2019» aýyl sharýashylyǵy kooperatıvi qurylyp, bul kooperatıv aýyldyq okrýgtiń sharýa qojalyqtarynyń egistik jerlerin biriktirip, ol jerlerdi óńdeý úshin aýyl sharýashylyq tehnıkalaryn alý úshin jumystar atqarýda.