Qazaqstanda eń jas ana 13-aq jasta. Ol Soltústik Qazaqstan oblysynda turady Bul týraly «Qamshy» Tengrinews.kz saıtyna silteme jasaı otyryp  habarlaıdy.

Medısınalyq kómekti uıymdastyrý departamentiniń ókilderi Qazaqstanda 2015 jyldyń 1 shildesinde kámeletke tolmaǵan 2420 júkti qyzdyń tirkelgenin habarlady. Olar 15-18 jas aralyǵynda.

"Elde kámeletke tolmaǵan júkti qyzdardyń úlesi - 1,2 paıyz. Olardyń basym bóligi Qostanaı (1,9 paıyz), Jambyl (1,8 paıyz), Soltústik Qazaqstan (1,7 paıyz) oblystarynda tirkeldi", - dep habarlady departament ókilderi.

"Qylmystyq kodekske sáıkes, kámeletke tolmaǵandardyń jynystyq qatynastaǵy jáne seksýalyq mándegi áreketteri derekterin oblys, Astana jáne Almaty densaýlyq saqtaý basqarmalary quqyq qorǵaý organdaryna jiberedi", - dedi mınıstrliktegiler.

 Al osyǵan deıin Ońtústik Qazaqstan oblysy boıynsha júkti áıelderdiń jáne fertıldi jastaǵy áıelderdiń portalyndaǵy elektrondy bazasyndaǵy 2015 jyldyń 1 qańtarynan 2015 jyldyń 20 shildesine deıingi statısıkalyq málimetterge sáıkes, júktilik esebinde kámeletke tolmaǵan 467 júkti qyz turǵandyǵy týraly habarlanyp, áleýmettik jelilrde talqylanǵan bolatyn.