Jaqynda Qyrǵyzstan Prezıdenti Almazbek Atambaev «Bishkek-Balyqchy» avtomagıstraliniń ashylý saltanatynda halyqqa ókpesin bildirgen. Bul týraly «Qamshy» portaly Azattyqtyń qyrǵyz qyzmetine silteme jasaı otyryp habarlaıdy.

Avtomagıstraliniń ashylý saltanatynyń resmı bóliminde qyrǵyz Prezıdenti Almazbek Atambaev myrza sóılep jatqanda, jınalǵan toptan bir qarıa shyǵyp, Prezıdenttiń sózin bólgen. Qarıa Prezıdentke  ýáji bar ekenin aıtyp, sóz suraǵan. Al buǵan ókpelegen Atambaev myrza qarıany kópshilikti syılaýǵa shaqyryp, resmı jıynnan soń jeke jolyǵatynyn aıtqan. Buǵan qulaq túrmegen soń, Prezıdent myrza halyqqa ókpesin bildirgen.

Almazbek Atambaev, Qyrǵyzstan Prezıdenti:

• Barlyǵymyzdyń jaǵdaıymyz qıyn. Biraq, endi birimizdi-birimiz syılaıyq. Tártip degen bolý kerek. Bardakty toqtatyńdar.Men sizge sodan keıin jolyǵamyn dedim ǵoı. Taǵy ne kerek?! Qurmetti jerlester, renjimeńizder, biraq óziniń Prezıdentin syılamaǵandy Qyrǵyzstannan ǵana kórdim. Ózbekstanǵa, Reseıge, Túrkıaǵa, Qytaıǵa, Eýropaǵa barsam da mundaıdy kórmeppin. Julynyp, julqynbaı, tártipti buzbaı, ózimizdi syılasaq, kishkene elimizdi syılasaq qaıtedi. Meni syılamasańdar, meni saılaǵan eldi syılańdar. Birde-bir memlekette mundaıdy kórmeppin. Qaısynda bar mundaı? Men bir qalaǵa barsam, jınalǵan toptyń shetinde turyp alyp, «Eı, Almas beri kel!» deıdi. Uıalmaısyńdar ma? Men Qyrǵyztan úshin, qyrǵyz eli úshin janymdy berip, densaýlyǵymdy berip júrmin. Myna istelip jatqan jumystardyń barlyǵy ońaı deısińder me?! Qansha memleketke baryp, tilemshideı bolyp júrmin. Osy joldar salynsynshy dep, Qyrǵyzstannyń keleshegi ashylsynshy dep (basyn shaıqaǵan).

Nurzat Toǵjan