QR Syrtqy ister mınıstri Erlan Ydyrysov Jenevada ótken  baspasóz-konferensıasynda Qazaqstan Batys elderi sanksıalaryna qatysty Reseıdi qoldaıtynyn aıtty. Bul týraly «Qamshy» portaly National Business-ke silteme jasaı otyryp habarlaıdy.

Dúısenbi kúni Dúnıejúzilik saýda uıymynyń bas keńesiniń otyrysynda Qazaqstannyń saýda uıymyna múshelikke ótýine baılanysty qujattardy qabyldaǵany týraly osyǵan deıin jazǵan bolatynbyz. Al Qazaqstan óz kezeginde uıymǵa múshelikke ótýge kómekteskeni úshin Reseıge alǵysyn bildirgen.

«Múmkin sanksıalardy alyp tastaý úshin taraptar áli bitimge kelmegen bolar. Al biz sol sanksıalardy alyp tastaýǵa shaqyrýdan talmaımyz. Sanksıa – eshkimge paıda ákelmeıdi. Odan eki jaq ta japa shegedi. Reseı bizdiń basty seriktesimiz. Sondyqtan Reseıge salynǵan Batys elderiniń sanksıalaryna qatysty Qazaqstan Reseıdi qoldaıtyn bolady»,-deıdi Ydyrysov myzra.

Ydyrysovtyń aıtýynsha, Qazaqstan sheteldik ınvestorlardy arttyrý úshin bar jaǵdaıdy jasap otyr. Osylaısha ol óziniń seriktesterin arttyrady. Sonyń ishinde Qaaqstanǵa Qytaı tarapynan qyzyǵýshylyq artyp keledi.

Nurzat Toǵjan