Rahat Álıev tiri me?

/uploads/thumbnail/20170708190909896_small.jpg

Rahat Álıev – Qazaqstan ısteblıshmenti úshin qatardaǵy qazaqstandyq sanalmasa kerek-ti. Ol birinshi kezete QR Prezıdentiniń burynǵy kúıeý balasy. Ákesi qansha jerden qylmysker bolsa da, onyń balalary úshin Nursultan Ábishuly – ata. Sodan keıin baryp, Rahat eks-elshi, beıresmı dıssıdent. Ózin-ózi jarıalaǵan – bılik oponenti-mys.

Mysaly, QR Prezıdenti Nursultan Ábishuly jaqynda bolǵan suhbatynda da nemereleri men qyzdarynyń Rahatatqa raqymshylyq jasaýyn surap kelgendigi týraly aıtqan bolatyn (https://www.youtube.com/watch?v=TNLMuUnRiLg).

QR Prezıdenti Nursultan Nazarbaev:

-Men Rahatty qamatýdy tapsyrǵanda meniń balalarym men nemerelerim meniń aldyma kelmedi deısińder me? Rahatqa keshirim jasaýymdy suramady deısińder me? Tipti jaqyndarym men balalarym jemqorlyqpen aınalysqan bolsa olardyń eshqandaı ımýnıteti joq. Sol sebepti sotta jaýapqa tartylady,-degen bolatyn.

Intrıgalyq ıirimge toly Rahattyń ólimine qatysty jurt arasynda túrli daqpyrt taraǵany belgili.

Qalaı bolǵan kúnde de, Ol (Rahat Álıev) Qazaqstan bıliginde laýazymdy qyzmetter atqarǵan, eldiń saıası bıligine tikeleı qatysy bolǵan adam. Sonymen birge Rahat Álıev qoǵamdy dúr silkindirgen birqatar oqıǵalardyń, sonyń ishinde qandy qylmystardyń fıgýranty. Onyń qatysy nemese aralasýy bolǵan ister qalaı bolǵanda da qazaqstandyq sot talqysynan ótken jáne syrttaı bolsyn jazaǵa tartylǵan qylmysker.

Sonymen, osyndaı túısik turǵysynan aıtar bolsaq, Rahat Álıevtiń ólimine qatysty túrli qaýesetterge náýmıezdik tanytýǵa týra keledi.

Rahatqa qatysty qos qısyn

Áýelgisi, Ol Avstrıanyń Vena qalasyndaǵy túrmede asylyp óldi. Rahat Shoraz isine qatysty mıllıondaǵan dollar qarjyny «jýý» derekterine avstrıalyq birqatar sheneýnikterdiń qatysy bolǵan. Iá, eýropalyq tabloıdtardyń negizgi talqysy osy tóńirekte órbigen-di. Oǵan qosa qazaqstandyq oppozısıoner Altynbek Sársenbaıulynyń qazasyna qatysy bar degen negizgi kúdikti de – Rahat Álıev edi. Belgisiz jaǵdaıda ózi de múrıd ketkendigi týraly sýyt habar 2015 jyldyń aqpan aıynda paıda boldy.

Ekinshi derek, kádigi jurttyń qazaqshalap qumalaq ashqanyndaı, Rahat ólmeptiniń sybysy. Bul endi, dálelsiz, dáıeksiz derek. Biraq, qarapaıym jurt «Rahat ólmepti», «Ol plasıkalyq operasıa jasatypty», «Qazir Qazaqstanda júr eken», degen maǵynadaǵy syńarjaq qaýesetterdi taratyp júrgen kórinedi. Al osy beıresmı derekterge nazar aýdaryp kórsek, shyn máninde Rahattyń ólmegeni týraly sybysqa senip qalýyńyz múmkin. Olaı deıtinimiz, eks-elshiniń qazasy týraly birde-bir naqty derek, dáıek joq. Rahattyń jansyz denesi túsirilgen foto, beıne jazbalar da joq. Bul joǵarydaǵy jurt qaýesetiniń shyndyqqa janasatynyn bildirmeı me?

Foto derekter: