Keshe Almaty qalasynda jalǵan tólqujatpen júrgen Aýǵanystan azamattary ustalǵan. Bul týraly «Qamshy» Tengrinews.kz-ke silteme jasaı otyryp habarlaıdy.

QR UQK Shekara qyzmeti baspasóz qyzmetiniń habarlaýynsha Almatyda ustalǵan úsh azamattyń qolynda Ulybrıtanıa azamatynyń jalǵan qujattary bolǵan.

"Almaty áýejaıyndaǵy "Almaty" ótkizý-baqylaý beketinde, "Dýbaı - Almaty" FZ-701 reısinde Ulybrıtanıanyń úsh azamaty ustaldy. Azamattardyń qujattaryn tekserý barysynda Aýǵanstan Islam Respýblıkasy azamatynyń kýáligi men Pákistan Respýblıkasy qaýipsizdik kartalary tabyldy", - dep jazylǵan QR UQK SHQ baspasóz habarlamasynda.

Keıin anyqtalǵandaı ustalǵan azamattardyń Aýǵanstan Islam Respýblıkasynan Aýǵanstan azamaty qujatymen Dýbaıǵa ushyp barǵany belgili bolǵan.

"Dýbaıda belgisiz adamnan Ulybrıtanıa azamatynyń qujatyn alǵan. Keıin ony Qazaqstan shekarasyn kesip ótýge paıdalanǵan. Olar Qazaqstan arqyly Eýropaǵa ketpek bolǵan", - dep jazylǵan habarlamada. Baspasóz qyzmetiniń málimetinshe, ustalǵan azamattardy qazir Dýbaıǵa jiberý jumystary júrgizilýde.

Nurzat Toǵjan