Keshe kezekti ret aparattyq jıyn ótkizgen Astana qalasynyń ákimi Ádilbek Jaqsybekov myrza kún tártibindegi birqatar máselelerdi talqyǵa salǵan. Sonyń ishinde Astana qalasyndaǵy bızneske qolaıly jaǵdaı qalyptastyrý máselesi de sóz etilgen bolatyn.Bul týraly «Qamshy» portaly Astana qalalyq  ákimdiktiń baspasóz-qyzmetine silteme jasaı otyryp habarlaıdy.

Qaladaǵy bıznes-klımatty jaqsartý úshin ruqsat berý prosedýralaryn azaıtý kerek, dep sanaǵan  elorda basshysy Jaqsybekov myrza, barlyq memqyzmetter tek qana HQKO arqyly júzege asyrylýy tıis jáne sáıkesinshe qyzmet kórsetý ýaqyty uzaq bolmaýy kerektigin aıtty.

Sondaı-aq, bul baǵytta memlekettik qyzmet kórsetýdegi bıznes-úderisterdi zerdelep, olardy ońtaılandyrý boıynsha usynystar engizý úshin arnaıy jumys tobyn qurý kerektigi aıtyldy.

“Bul jumysqa bıznes-qaýymdastyq pen  kásipkerler palatasyn tartý qajet. Bul jumystardy basqarýdy Álıev Nuráli Rahatulyna tapsyramyn. Basty maqsat – Astanany bıznes júrgizý úshin elimizdegi eń qolaıly qalaǵa aınaldyrý. Bul baǵyttaǵy jumystardyń mańyzdylyǵyn túsinbeıtin jáne óz ókilettiginen aırylǵysy kelmeıtin basshylar jumystan bosatylady”, – dedi ákim myrza.

Nurzat Toǵjan