Astananyń «Shanhaı» bazarynda «Astana - Shymkent» baǵytynyń avtobýs júrgizýshisi OQO-nyń eki er azamatyn uryp-soqqany úshin ustaldy. Bul týraly «Qamshy» saıty Tengrinews.kz saıytyna silteme jasaı otyryp habarlaıdy.
Oqıǵa barysyna toqatala ketsek, jaǵa jyrtysý Astana qalasynyń «Shanhaı» bazarynda bolǵan. «Astana-SHymkent» baǵytymen jolǵa jınalǵan jigitter kenetten aýylǵa qaıtpaıtyn bolyp, tólep qoıǵan 7 myń teńgesin keri qaıyrýdy talap etipti. Qany basyna shapqan avtobýs júrgizýshisi qaltaǵa túsken qarjyny qaıtarǵysy kelmese kerek.
Tóbeles jolaqysynan bastalǵan. Aýylǵa qaıtýdan aınyp qalǵan shymkenttik qos jigit avtobýs júrgizýshisinen aqshalaryn keri qaıyrýdy surapty. Biraq, jerlester ózara kelise almapty. Júrgizýshi aqshany qaıtarmaq túgili, qaıta seriktesterimen qosylyp jolaýshylardy jaǵadan alǵan. Arasha túser jan tabylmaı, aqyry ereges - tóbeleske jalǵasqan. Oqıǵanyń shıelenisin sezgen shıkiókpe dereý oqıǵa ornynan izin sýytyp úlgergen.
Tergeý - anyqtaý nátıjesinde polısıa habarlamasyna súıensek: "bul derek biryńǵaı tizbede QR QK 107-baby boıynsha tirkelip, Sotaldy tergeý bastaldy", - dep oqıǵa barysynan habar berdi. Jedel-izdestirý sharalarynyń barysynda polısıa qyzmetkerleriniń OQO-nyń 19 jastaǵy turǵynynyń ustalǵany habarlandy.
"Qamshy" silteıdi
