Keshe Astana qalasynyń ákimi Ádilbek Jaqsybekovtyń arnaıy tapsyrmasymen Nuráli Rahatuly Álıev Elordadaǵy bıznesti ońtaılandyrý jumystarymen aınalysatyny týraly «Qamshy» portalynda «Jaqsybekov Astananyń bıznesin Álıevtiń qolyna tapsyrdy» atty maqala jaryq kórgen bolatyn (http://qamshy.kz/home/show/550 ).
2014 jyldan bastap elimizdiń ákimshilik basqarý isi qyzmetkerleriniń qataryna jap-jańa esim bolyp qosylǵan Nuráli Rahatuly týraly biri bilse, biri bile bermeıtini túsinikti.
Já, bilse de kádigi jurttyń aýzynda Ol (Nuráli Álıev) – «prezıdent – atanyń» súıikti nemeresi nemese Qazaqstandaǵy nómiri birinshi oppozısıoner «bolǵan» azamattyń súıek tuńǵyshy.
Eń aldymen, Darıǵa Nazarbaeva men Rahattyń tula boıy tuńǵyshtary -Nuráli Álıev 2014 jyldyń 19-jeltoqsanynda Astana qalasy ákiminiń orynbasary bolyp taǵaıyndalǵanda jurt muny túrlishe bajaılaǵan-dy (http://www.qazaquni.kz/?p=31758). Iá, «ákesi úshin balasy jaýap bermeıdi» qaǵıdasyna salsaq, kimniń balasy bolsa da, qabileti men qarymy jetse, patsha kóńilińizge erik.
Endi mine, úlken saıasatqa kelgenine kóp bolmasa da Nuráli Rahatulyna Jaqsybekov myrza Astananyń «maıly jilikteriniń» birin tapsyrypty.
Jaqsybekov jaqsysyn senip tapsyrǵanyna qaraǵanda elordadan enshisin jibermeı júrgen, 30-dy keshe ǵana eńsergen jas saıasatker Nuráli Álıevtiń bilimi men biligi osyǵan jetken bolsa kerek-ti.
Endeshe, Ábish ata shóberesiniń ómir belesterin paraqtap kóreıik: (http://astana.gov.kz/kk/modules/material/6986 )
1985 jyly 1 qańtarda týǵan Nuráli Rahatuly - Abaı atyndaǵy Qazaq Ulttyq Pedagogıkalyq ýnıversıtetin támamdap, ekonomıka jáne qarjy bakalavry atanady. Keıin ol joǵary bilimin jalǵastyrý úshin Pepperdın ýnıversıtetine túsip, bıznes-ákimshilendirý bakalavry mamandyǵyn ıgerip shyqqan. Munymen shektelmegen Nuráli Álıev dál osy mamandyq boıynsha Imadek ýnıversıtetin magıstr dárejesinde aıaqtaıdy.
Ár jyldarda, «Nurbank» AQ Tóraǵasynyń birinshi orynbasary, Basqarma tóraǵasy jáne Dırektorlar keńesiniń tóraǵasy laýazymdarynda qyzmet atqarǵan.
2008 jyldyń jeltoqsanynan 2013 jyl aralyǵynda — «Qazaqstannyń Damý banki» AQ Basqarma Tóraǵasynyń orynbasary, «Transtelekom» AQ Basqarma Tóraǵasy.
Al 2014 jyldyń 19-jeltoqsanynan bastap Astana qalasy ákiminiń orynbasary bolǵan.
Kópshilik aldyna jıi shyǵa bermeıtin jas saıasatker týraly naǵashy atasy, QR Prezıdenti óziniń ashyq suhbaty barysynda bylaı degeni esterińizde bolar. «Meniń nemerelerim, qyzdarym Rahatqa keshirim jasaýymdy ótinip kelmedi deısińder me? Kelgende qalaı keldi. Biraq zań bárimizge ortaq»,-degen bolatyn Prezıdent. Kóz aldynda ákesi omaqasyp túskende jas Nuráli árıne, sharasyz edi ǵoı. Keıinirekte, ol óz atasy baqıǵa attanǵanda (akademık Muhtar Álıev) jerleý rásimine qatysyp, qalyń jurttyń arasynan tabylǵan-dy. Muny jurt jaqsylyqqa balap, «tekti atanyń urpaǵy ǵoı» desken-di.
Dese de, bir eldiń bıligine birdeı shúılikken qos saıasatkerdiń otbasynda dúnıege kelgen, qazirgi depýtat Darıǵa men eks-elshi bolǵan Rahattyń tuńǵyshtary saıasatqa múlde ózgeshe baǵytpen kelgendigin kórsetip baǵýda. Bildeı bir Elordanyń bıznesi endi Nuráliniń qolynda. Demek, bul Nuráliniń synalar der shaǵy. Nuráli endi anasy men Prezıdent atasynyń saıasyn uzaq ýaqytqa deıin panalaı ma? Álde ákesiniń soryn keshe me?
Qazaqstannyń tuńǵysh Prezıdenti Nursultan Ábishulynyń basqarý ókilettiligi týraly sóz qozǵala bastaǵanda el ishi men saıasatkerlerdiń arasynda taq murageri kim bolady degen suraq týǵan bolatyn. Sonda keıbir saıasatkerler – Prezıdent nemeresi Nuráliniń esimi de estilgeni jasyryn emes. Shynymen, jas ta bolsa úlken saıasattaǵy kádeli jilikterdi ıemdenip júrgen Nuráli Álıev – Prezıdenttiń jasyryn daıyndap júrgen murageri bolýy múmkin be? Eger murager bolsa – nege ol atasynyń tegine ótpegen (inisi Aısultan sekildi)? Nurálige saıasatkerlerdiń ish jylytýynyń sebebi nede?
Buny da ýaqyt kórsetedi...
Nurgeldi Ábdiǵanıuly
