Mańǵystaý oblysy, Aqtaý qalalyq sotymen sottalýshy T-ǵa qatysty qylmystyq is qaralyp aıaqtalǵan.

Sottalýshy T. 18 maýsym 2015 jyly Aqtaý qalasy 5 shaǵyn aýdan 40 úıdiń 31 páterinde bola tura,   qasaqana, paıdaqorlyq nıetpen bótenniń múlkin jasyryn urlaý maqsatynda, «Samsýng Aıpad Eıpl» markaly planshetti jymqyrǵan.

Nátıjesinde qylmystyq áreketimen jábirlenýshi K-ge 155 000 teńgege materıalyq shyǵyn keltirgen.

Taraptardyń bitimgershilikke kelýi Mańǵystaý oblysynyń kásibı medıatordyń qatysýymen jasaqtalyp, sot talqylaýynda jábirlenýshi sottalýshymen «Ózara tatýlasý týraly kelisim shartqa» otyrǵandyǵyn,  medıasıa tártibimen tatýlasqanyn kórsetip, sottalýshyǵa qoıatyn talap tileginiń joqtyǵyn bildirgen.

 Aqtaý qalalyq sotynyń qaýlysymen  Qazaqstan Respýblıkasy Qylmystyq Kodeksiniń 188-babynyń  1-bóliginde kórsetilgen qylmystyq áreket jasaǵan T. medıasıa tártibimen jábirlenýshimen tatýlasýyna baılanysty Qazaqstan Respýblıkasynyń Qylmystyq Kodeksiniń 68-baby 1-bóliginiń negizinde jaýapkershilikten bosatylyp, is óndirisi qysqartyldy.

Qaınar: 

Aqtaý qalalyq sotynyń baspasóz qyzmeti