Munaıly aýdany ákiminiń 2015 jyldyń

Ι jartyjyldyǵyndaǵy aýdannyń áleýmettik - ekonomıkalyq damýy týraly esebi

Qazaqstan Respýblıkasy Prezıdentiniń «Ákimderdiń máslıhattar aldynda esep berýin ótkizý týraly» Jarlyǵyna sáıkes, ózderińizge 2015 jyldyń 1 jartyjyldyǵynda aýdanda jasalǵan jumystar men alda turǵan mindetter týraly esebim! 

  2015 jylǵy aýdannyń áleýmettik-ekonomıkalyq damýy boıynsha jumys Elbasynyń Joldaýda bergen tapsyrmalaryn, Úkimettiń, oblys ákiminiń tapsyrmalaryn jáne memlekettik baǵdarlamalardy oryndaýǵa baǵyttalýda.

  2015 jyldyń İ jartyjyldyǵynda aýdan ákimdigine 516 aryz kelip tústi, sonyń ishinde 60-y zańdy jáne456-y jeke tulǵalardan. Aýdan ákiminiń jeke blogyna 11 aryz kelip túsken. Barlyq aryzdarǵa jaýaptar zań talaptaryna saı ýaqytynda berildi. Sonymen birge, 2015 jyldyń 6 aıy ishinde 120 adam aýdan ákiminiń jeke qabyldaýynda boldy.

2015 jyldyń esepti kezeńine 77 memlekettik qyzmet túri boıynsha kórsetilgen memlekettik qyzmettiń sany – 27 834, onyń ishinde HQKO jáne elektrondyq úkimet portaly arqyly – 4 286, al memlekettik organda kórsetilgen memlekettik qyzmetterdiń sany - 23 548.

  2015 jyldyń 1-shi jartyjyldyǵynyń qorytyndysy boıynsha halyq sany 132 myń adamdy qurap, ótken jyldyń tıisti kezeńimen salystyrǵanda 8,3 myń adamǵa ósken (01.07.2014 j.- 123,7 myń adam).

-  ónerkásip ónimderiniń óndiris kólemi 29 228,8 mln. teńgeni qurap, ótken jylmen salystyrǵanda5 921,9 mln.kóbeıgen;(01.07.2014 j. – 23 306,9 mln. teńge);

-  negizgi kapıtalǵa salynǵan ınvestısıa kólemi 13 102,8 mln. teńgeni qurap, ótken jylmen salystyrǵanda 3 677,4 mln. teńgege kóbeıgen.(01.07.2014 j. – 9 425,4 mln. teńge); 

-  jalpy kólemi 56,1 myń sharshy metr turǵyn úı iske qosyldy. (01.07.2014 j. – 71,0 myń sharshy metr.);

-  aýdanda 4 746 shaǵyn kásipkerlik sýbektisi tirkelgen, ol 2014 jyldyń tıisti kezeńimen salystyrǵanda 656-ǵa ósip otyr.  (01.07.2014 j. – 4 090 sýbekti);

-  shaǵyn kásipkerlikte jumyspen qamtylǵandardyń sany 5 516 adamdy qurap, 2014 jyldyń tıisti kezeńimen salystyrǵanda 633 adamǵa ósken (01.07.2014 j. – 4 883 adam);

-  barlyq ekonomıkalyq qyzmet túrleri boıynsha ortasha jalaqy 127 030 teńgeni qurady nemese 2014 jyldyń esepti kezeńimen salystyrǵanda 0,4%-ǵa azaıdy (01.07.2014 j. -  127 598 teńge);

-  jyl basynan beri 742 jańa jumys oryndary quryldy, ótken jyldyń tıisti kezeńimen salystyrǵanda 52 - ge kóbeıgen (01.07.2014 j. – 690 jumys oryn);

-  halyqtyń ekonomıkalyq belsendi tobynyń quramyna jumyssyzdyq boıynsha tirkelgen adamdardyń jalpy quramy 0,4% qurap, ótken jylmen salystyrǵanda birqalypty jaǵdaıda. 

-  jergilikti búdjetke salyqtar jáne basqa da tólemder túsimderiniń oryndalysy 2 082 ,6 mln. teńgeni qurady, ótken jylmen salystyrǵanda aýdan búdjetiniń kiristeri 107,8 mln. teńgege artyq oryndalyp otyr. (01.07.2014 j. - 1 974,8 mln.teńge);

-  búdjettiń shyǵystar bóligi 10 579,5 mln.teńgeni quraıdy, onyń ishinde jergilikti búdjet – 7 141,2 mln.teńge, respýblıkalyq búdjet – 3 438,3 mln.teńge. Aǵymdaǵy jyldyń 1 shilde jaǵdaıyna aýdan búdjetiniń shyǵystar bóliginiń ıgerilýi 5 128,2,0 mln.teńgeni, nemese 95,7% qurady.

  Bilim salasy. Aýdanda 11 jalpy bilim berý mektebi,  1 – lıseı, 9 – memlekettik balabaqsha, 4 - mektep janynan ashylǵan shaǵyn ortalyqtar jáne 13 jekemenshik  mektepke deıingi balalar mekemesi, 1 – úılestirý ortalyǵy, 1-oqýshylar ortalyǵy, 1-óner mektebi jáne 6- aýla klýbtary jumysyn júrgizýde. Aýdan mektepterinde 18 280 bala bilim alady.

2015 jyly bilim berý salasyna 6 155,5 mln.teńge bólindi, (2014 j. – 5 438,1  mln.teńge) bul barlyq aýdan búdjetiniń 60 paıyzyn qurap otyr.

  Aýdan mektepterinde oqýshylar ornynyń jetispeý saldarynan Atameken jáne Basqudyq aýyldyq okrýgterinen Aqtaý qalasyna 2 528 bala (Atameken-2281, Basqudyq-247) tasymaldanyp oqytylýda. Osyǵan oraı, Basqudyq aýyldyq okrýginen Mańǵystaý aýylyndaǵy №11 orta mektepke 804 oqýshyny, Batyr aýylynyń shalǵaı ornalasqan eldi mekenderinen osy aýyldaǵy №10 orta mektepke 316 oqýshyny tasymaldaý uıymdastyrylǵan. Osy máselelerdi sheshý úshin, Atameken aýylyndaǵy 640 oryndyq jáne Basqudyq aýylyndaǵy 960 oryndyq orta mektep ǵımarattaryna qosymsha 320 oryndyq mektep, Basqudyq, Qyzyltóbe aýyldyq okrýgterinen 600 oryndyq mektep qurylystarynyń JSQ-sy jasaqtalýda. Qazirgi tańda Basqudyq aýylyndaǵy 600 oryndyq orta mektep qurylysynyń memlekettik saraptama qorytyndysy alynyp, 2016-2018 jyldary respýblıkalyq búdjetten qarjylandyrylatyn ınvestısıalyq jobalar tizimine engizildi.

  Sonymen qatar, aǵymdaǵy jyly respýblıkalyq búdjetten tolyqtaı qarjysy bólingen jaǵdaıda Atameken aýyldyq okrýginen 1200 oryndyq mektep qurylysyn aıaqtaý josparlanyp otyr.

  «Balapan» baǵdarlamasy boıynsha aýdandaǵy 3-6 jas aralyǵyndaǵy 11 713 balanyń 6927-si mektepke deıingi tárbıe jáne oqytýmen qamtyldy, qamtý úlesi 59,1%, olardyń 47,5 paıyzy memlekettik sektor, 11,6 paıyzy jekemenshik sektordy qurap otyr.

  Aǵymdaǵy jyly Mańǵystaý-5 eldi mekeninen 280 oryndyq memlekettik balabaqsha qoldanysqa berildi, sonymen qatar, Dáýlet aýyldyq okrýginen 280 oryndyq balabaqshanyń qurylysy aıaqtaldy, osyndaı balabaqsha Atameken aýyldyq okrýginen de salynyp, jumysshy komısıasynda qaralýda. Budan basqa shilde aıynda 115 oryndyq 2 jekemenshik balabaqsha jumysyn bastady.

  Qazirgi tańda, Qyzyltóbe aýyldyq okrýginen 280 oryndyq, Qyzyltóbe-2, Mańǵystaý-2 eldi mekenderinen 140 oryndyq balabaqsha qurylystarynyń memlekettik saraptama qorytyndysy daıyn jáne Mańǵystaý-3 eldi mekeninen 140 oryndyq balabaqsha qurylysynyń JSQ-sy jasaqtalyp, memlekettik saraptamada qaralýda.

  2014-2015 oqý jyldaryndaǵy Ulttyq biryńǵaı testileýdiń qorytyndysy boıynsha aýdan mektepteriniń ortasha baly – 79,9 bolyp, oblystyń qala aýdandar arasynda joǵary (1-shi) oryndy ıelendi,  7 oqýshy «Altyn belgige», 6 oqýshy «Úzdik atestatqa» ıe boldy.

  Densaýlyq saqtaý salasynda 13 medısınalyq mekemeler jumys jasaýda, onyń ishinde 1 – ortalyq aýrýhana, 1 – ortalyq emhana, 3 – bastapqy medısınalyq sanıtarlyq kómek kórsetý ortalyǵy, 6 – dárigerlik ambýlatorıa, 1 – jedel járdem jáne 1 – týbdıspanser bar.

  Densaýlyq saqtaý salasynda medısınalyq qyzmet sapasyn jetildirý jáne turǵyndardyń densaýlyǵyn jaqsartý sharalary turaqty túrde júrgizilip, baqylanýda. 2015 jyldyń 6 aıynda 2006 bala dúnıege keldi, ol ótken jylmen salystyrǵanda 21 balaǵa azaıyp otyr (2014 j. 6 aıy - 2027 bala). Esepti kezeńde 1-jasqa deıingi 31 sábı ólimi tirkelip, kórsetkish týylǵan 1000 sábıge shaqqanda 15,4 promıldi qurady (2014 j. 6 aıy – 9,4 promıl).

  Týberkýlez aýrýymen aýyratyndar sany 51 adamdy qurap, kórsetkish 100 myń turǵynǵa shaqqanda 40,9 promıldi qurady (2014 j. 6 aıy – 37,8 promıl).

  Mańǵystaý aýylynan áleýmettik sala mamandaryna arnalǵan 100 oryndyq jataqhana qurylysynyń jobalyq smetalyq qujattary jasaqtalyp, memlekettik saraptama qorytyndysy alyndy. Jobanyń jalpy quny 912,2 mln. teńgeni qurap otyr. Atalǵan jobany qarjylandyrýǵa oblys ákimdigine usynys joldandy.

  Batyr aýyldyq okrýginde aýysymyna 40 adamdy qabyldaıtyn dárigerlik ambýlatorıa qurylysy aıaqtalyp, paıdalanýǵa berilýde.

  Elbasymyz N.Á.Nazarbaevtyń jarıalaǵan bes ınstıtýsıonaldyq reformasyn júzege asyrýdyń «100 naqty qadamy» Ult josparynda kórsetilgendeı aýdan turǵyndaryna kórsetiletin medısınalyq qyzmet sapasy men qoljetimdilikti júzege asyrý turaqty baqylaýda bolady.

  Mádenıet jáne sport salasy boıynsha 2015 jyldyń 6 aıynyń ishinde aýdan kóleminde Qazaqstan Respýblıkasynyń memlekettik merekeleri men ataýly kúnderge oraılastyrylǵan 28 mádenı, 55 sporttyq sharalar uıymdastyrylyp, oǵan 3 119 sportshy, 19 460 kórermen jáne 1 448 ónerpaz qatysty.

  Aǵymdaǵy jyly jer qoınaýyn paıdalanýshy kompanıa esebinen Basqudyq aýyldyq okrýginen sport zal qurylysy aıaqtalyp, paıdalanýǵa berildi. Búgingi kúni sport mektebinde sporttyń 10 túrinen 36 tapta 560 oqýshy jattyǵýda. Atameken aýyldyq okrýginen 2 sport zal qurylysynyń JSQ-sy, Mańǵystaý aýylynan 160 kórermenge arnalǵan deneshynyqtyrý-saýyqtyrý kesheni qurylysynyń JSQ-sy jasaqtalyp, memlekettik saraptamada qaralýda.  

  Mańǵystaý aýylynan kitaphanasymen birge 500 oryndyq mádenıet úıi qurylysynyń JSQ-nyń qorytyndysy alynyp, jer qoınaýyn paıdalanýshy kompanıalar qarjysy esebinen iske asyrýǵa usynyldy. Atameken, Basqudyq, Dáýlet aýyldyq okrýginen kitaphanasymen birge 200 oryndyq aýyl klýby qurylystarynyń memlekettik saraptama qorytyndysy alynyp, qujattary oblystyq búdjetten qarjylandyrýǵa usynyldy.

  Áleýmettik qoldaý salasy Munaıly aýdany máslıhatynyń sheshimine sáıkes, tabysy eseptelip ómirlik qıyn jaǵdaıdaǵy 82 adamǵa 1165,0 myń teńge, arnaýly týberkýlezge qarsy medısınalyq mekemelerden shyǵarylǵan 42 adamǵa 2081,1 myń teńge kóleminde áleýmettik kómek tólendi. Bul kómek «100 naqty qadam» - Ult josparynda atap kórsetilgendeı áleýmettik kómekke shyn zárý azamattarǵa ǵana tólenip keledi.

  9 mamyr - Uly Otan soǵysyndaǵy Jeńistiń 70 jyldyǵyna oraı - 314 adamǵa oblystyq búdjetten 28 898 myń teńge jáne respýblıkalyq búdjetten 113 adamǵa 3 050 myń myń teńge,. onyń ishinde Uly Otan soǵysyna qatysýshy 3 adamǵa 594,6 myń teńge áleýmettik kómek tólendi.

  Sonymen qatar, joǵary oqý oryndarynda oqyp jatyrǵan  ákim granty ıegerlerine, ıaǵnı 72 stýdentke jáne tabysy eseptelip ómirlik qıyn jaǵdaı týyndaǵan kezdegi áleýmettik kómekke muqtaj 14 stýdentke oqý aqysy, sondaı-aq, aı saıyn 9 910 teńge kóleminde shákirtaqy tólenýde. 2015 jyldyń 1-shi jartyjyldyǵynda aýdan aýmaǵyndaǵy aýyldyq eldi mekenderge jumys isteý jáne turý úshin kelgen 184 áleýmettik sala mamandaryna 25 528 myń teńge kóleminde birjolǵy kóterme járdem aqy, turǵyn úı satyp alý úshin 79 mamanǵa 234 867 myń teńge búdjettik nesıe berildi.

  Aýyl sharýashylyǵy. Qazirgi tańda, aýdan boıynsha  mal basy: iri qara mal – 1185, qoı- eshki 28742, jylqy – 4965, túıe – 4706, shoshqa – 62, qus-11876 bas quraıdy.

  Aýdan aýmaǵynda 182 sharýa qojalyǵy qyzmet kórsetýde, onyń ishinde: 150 mal sharýashylyǵy, 32 qojalyq egin sharýashylyǵymen aınalysady. Aǵymdaǵy jyly 227 ga. kókónis jáne baqsha daqyldary egildi. Onyń ishinde jylyjaıda 6 ga., ashyq topyraqta 221 ga. Aǵymdaǵy jyldyń birinshi jarty jyldyǵynda 226 tonna et, 93,9 tonna sút, 482,8 myń dana taýyq jumyrtqasy óndirildi. 31 taýar óndirýshige 160,9 tonna amıak selıtrasy 50% jeńildikpen alynyp berildi.

  Aǵymdaǵy jyly aýdanda «Munaıly aýdandyq veterınarıalyq stansıasy» memlekettik mekemesi qurylyp, 6 aýyl, aýyldyq okrýgten veterınarıalyq pýnkt ashylyp, 6 veterınarlyq feldsher men 6 sanıtar jumys jasaýda. Sonymen qatar, aýdanda turǵyndaryn qańǵybas ıt tisteýden saqtaý maqsatynda 6 brıgada qurylyp, qańǵybas ıtterdi joıý baǵytynda jumys atqarýda. Osy jumystardy iske asyrý úshin avtokólikke 6 tirkeme jáne pnevmatıkalyq qarýlar satyp alyndy. Osy júrgizilgen jumystar nátıjesinde jyl basynan beri 1 264 bas ıt aýlandy.

  «Jumyspen qamtý 2020 jol kartasy» baǵdarlamasynyń «Infraqurylymdy jáne turǵyn úı-kommýnaldyq sharýashylyqty damytý arqyly jumyspen qamtýdy qamtamasyz etý» birinshi baǵyty boıynsha2015 jyly 10 jobany (Qyzyltóbe, Daýlet aýyldaryndaǵy 4,2 shaqyrym avtomobıl joldaryn ortasha jóndeý, balalar alańdary men sport alańdaryn jasaqtaý, jaıaý júrginshiler jolyn salý jáne taǵy basqa jumystar) iske asyrýǵa 182,6 mln. teńge bólinip, jumystary bastalyp ketti. Atalǵan baǵdarlamany iske asyrý barysynda barlyǵy 63 adamdy jumyspen qamtý, onyń ishinde 33-i jumyspen qamtý ortalyǵy esebinen josparlanyp, naqty 37 adam jumysqa ornalasty.

  Baǵdarlamanyń «Kásipkerlikti damytý arqyly: jeke kásipkerlik bastamany qoldaý; tirek aýyldardy keshendi damytý arqyly jumys oryndaryn qurý» ekinshi baǵyty aıasynda2015 jyly15 adamdy kásipkerlik negizderi kýrsyna oqytý josparlanyp, shilde aıynan bastap kýrstarǵa joldanýda.

  «Aýyl sharýashylyǵyn qarjylaı qoldaý qory» AQ arqyly 17 adamǵa jeke kásipterin ashýǵa 46,0 mln. teńge nesıe berildi.

  Baǵdarlamanyń «Jumys berýshiniń qajettiligi sheńberinde oqytý jáne qonys aýdarý arqyly jumysqa ornalasýǵa járdemdesý; jumys berýshiniń qajettiligi sheńberinde eńbek resýrstarynyń utqyrlyǵyn arttyrý» úshinshi baǵyty aıasynda 2015 jyldyń 1 jartyjyldyǵynda jastar is-tájirıbesine 35 adam 21 mekemege jumysqa joldanyp, 2 mln. teńge ıgerildi jáne áleýmettik jumys oryndary arqyly 44 adam 10 mekemege jumysqa joldanyp, 1, 5 mln.teńge ıgerildi. Jumyspen qamtý ortalyǵy arqyly 223 adam turaqty jumysqa joldandy.

  Óńirlerdi damytýdyń 2020 jylǵa deıingi baǵdarlamasy boıynsha halyq úshin turǵyn úı qoljetimdiligin odan ári arttyrý maqsatyndaMańǵystaý aýylynan 24 páterlik 30 turǵyn úı qurylysynyń jáne Batyr aýylynan 4 páterlik 40 jaldamaly turǵyn úı qurylysynyń JSQ jasaqtalýda.

  Qazirgi tańda atalǵan baǵdarlama aıasynda Mańǵystaý aýylynda 24-páterlik 4 qabatty 10 jaldamaly turǵyn úı qurylysynyń (jalpy quny 1 451 mln. teńge) jáne Batyr aýylynyń Emir eldi mekeninen 4-páterlik 20 turǵyn úı qurylysynyń (jalpy quny 506,4 mln. teńge) memlekettik saraptama qorytyndysy alynyp, qarjylandyrýǵa usynyldy.

  Halyqty aýyz sýmen jáne sý burý qyzmetterimen tıimdi jáne utymdy qamtamasyz etý maqsatynda barlyq aýyl, aýyldyq okrýgterdi aýyz sýmen qamtamasyz etý úshin jumystar júrgizilýde. Qazirgi ýaqytta Dáýlet aýyldyq okrýgin sýmen qamtý jumystary jalǵasýda, esepti kezeńge 43 shaqyrym sý qubyry tartylyp, árqaısysy 1000 tekshe metr 2 rezervýar ornatyldy. Sonymen qatar, Mańǵystaý aýylynyń Mańǵystaý-1 eldi mekenin sýmen qamtý jobasynyń qorytyndysy alynyp, qurylys jumystaryn bastaýǵa 53 mln. teńge bólindi jáne Baıandy-3 turǵyn úı massıviniń sý júıesi qurylysynyń memlekettik saraptama qorytyndysy alyndy. Basqudyq jáne Qyzyltóbe aýyldaryn sýmen qamtý júıesi qurylysynyń, Mańǵystaý aýylynan kanalızasıa júıesi qurylysynyń jobalyq smetalyq qujattamasy jasaqtalýda.

  Aýdan turǵyndaryn sýmen qamtýdy jaqsartý  maqsatynda Kaspıı sý tushshytý zavody aýdan turǵyndaryn sýmen qamtamasyz etip otyr. Buryn «MAEK Kazatomprom» JSHS-inen táýligine 3 myń tekshe metr sý alatyn bolsaq, qazir Kaspıı sý tushshytý zavodynan alynatyn sýdyń kólemi táýligine 7-8 myń tekshe metrdi qurap otyr.

  Aǵymdaǵy jyldyń 1 jartyjyldyǵynda aýyz sýǵa 66,3 mln. teńge sýbsıdıa bólindi. 1 tekshe metr aýyz sýdyń baǵasy 167 teńgeni quraıtyn bolsa, bólingen sýbsıdıanyń esebinen aýyz sýdy qubyr arqyly paıdalanatyn turǵyndarǵa 1 tekshe metr 30 teńgeden, kólikpen tasymaldanatyn sýdyń 1 tekshe metr 40 teńgeden jetkizilip otyr, ıaǵnı sýdyń 1 tekshe metr 130-140 teńgege deıin arzandatyldy.

  Aǵymdaǵy jyly aýdan quramyndaǵy 6 aýyl, aýyldyq okrýgtiń Bas jospary bekitildi.

  Óńirlerdi damytýdyń 2020 jylǵa deıingi baǵdarlamasy aıasynda: 40,5 mln. teńgege 6 joba iske asyrylýda, atap aıtar bolsaq: Mańǵystaý aýylyndaǵy №2 balabaqsha ǵımaratynyń shatyryn jóndeý, Qyzyltóbe aýylynyń kóshe jaryǵyn montajdaý, aýdan kólemindegi avtokólik joldaryna baǵdarsham ornatý, №4,5 orta mektepterdiń ǵımaratyn aǵymdaǵy jóndeý.

  Avtomobıl joldaryn damytý boıynsha Mańǵystaý aýylynda avtojoldardyń 3000m² bolatyn bóligine jol shuńqyrlaryn jamaý jumystary júrgizildi. 300 dana jol belgisi jáne 4 baǵdarsham ornatyldy.

Aǵymdaǵy jyly Mańǵystaý aýylynyń Mańǵystaý-5 turǵyn úı massıvinen 3,6 shaqyrym avtokólik jolynyń qurylysy aıaqtalyp, memlekettik komısıada qaralýda, sonymen qatar, Qyzyltóbe-2 eldi mekeninen 15 shaqyrym jol qurylysynyń memlekettik saraptama qorytyndysy alynyp, qurylys jumystaryn bastaýǵa 100 mln. teńge bólindi.

  Munaıly aýdany boıynsha 636 shaqyrym jol bar, onyń ishinde aýdandyq mańyzdaǵy jalpyǵa ortaq paıdalanatyn avtomobıl jolynyń uzyndyǵy 70,9 shaqyrymdy quraıdy, onyń 52,6 shaqyrymy asfálttalǵan, 18,3 shaqyrymy greıder jol. Qazirgi ýaqytty 84,4 shaqyrym bolatyn aýylishilik avtomobıl joldary qurylysynyń JSQ jasaqtalýda.