Qazaqstan fýtbol federasıasynyń eks-bas hatshysy A.Chaıjúnisov «Astana EKSPO-2017» ulttyq kompanıasynyń basqarýshy dırektory bolyp taǵaıyndaldy. Bul týraly «Qamshy» portaly Today.kz-ke silteme jasaı otyryp habarlaıdy.
«Al, QFF-nyń eks-hatshysy Allen Chaıjúnisov endi “Astana EKSPO-2017″ UK Marketıń jáne damytý departamentiniń dırektory mindetin atqaratyn bolady»,-dep jazady NUR.kz saıty.
Belgili bolǵandaı, 2015 jyldyń maýsym aıynda A.Chaıjúnisov QFF bas hatshysy qyzmetinen bosatý týraly ótinish jazǵan.
Sondaı-aq, 2015 jyldyń 23 maýsymynan bastap kompanıanyń basqarýshy dırektory qyzmetine Bolat Áshimov kiriskeni týraly da qazaqstandyq BAQ-ta jazylǵan bolatyn.
2015 jyldyń maýsym aıynda “Astana EKSPO-2017″ UK basqarma tóraǵasy birinshi orynbasarynyń bas dırektory qyzmetine Álisher Pirimbetov taǵaıyndaldy. Ol buǵan deıin qarjy jáne ákimshilik máseleler boıynsha basqarma tóraǵasynyń orynbasary qyzmetinde bolǵan.
Sonymen, EKSPO-2017 resmı saıtyndaǵy málimetterge sáıkes, “Astana EKSPO-2017″ UK basqarmasyna taǵaıyndalǵan tulǵalardy nazarlaryńyzǵa usynamyz:
Ádilbek Jaqsybekov – basqarma tóraǵasy;
Álisher Pirmetov – bas dırektor – basqarma tóraǵasynyń birinshi orynbasary;
Serik Tazabekov – basqarýshy dırektor;
Almaz Jamanbekov – basqarma tóraǵasynyń orynbasary;
Maııa Egimbaeva – basqarýshy dırektor;
Vladımır Lútov – basqarma tóraǵasynyń orynbasary;
Ánýarbek Mýsın – basqarýshy dırektor;
Marat Nurshaev – basqarýshy dırektor;
Marlen Jákejanov – basqarma tóraǵasynyń orynbasary;
Bolat Áshimov – basqarýshy dırektor;
Allen Chaıjúnisov – basqarýshy dırektor – Marketıń jáne damytý departamentiniń dırektory.
Esterińizde bolsa, Ulttyq kompanıada jemqorlyqqa qatysty daý órshigen bolatyn. Máselen, jaqynda “Astana EKSPO-2017″ basqarmasynyń eks-tóraǵasy Talǵat Ermegıaev “ózgeniń múlkin zańsyz ıelendi” degen kúdikpen quryqtalǵan bolatyn.
Sonymen qatar “Astana EKSPO-2017″ UK qurylys departamentiniń eks-basshysy Qajymurat Úsenov te úıqamaqqa alynǵan.
Al basqarma tóraǵasynyń orynbasary sanalyp kelgen Vera Kobalıa qyzmetinen ketip, onyń artynsha, týrızm, marketıń jáne qoǵammen baılanys baǵytynda Ulttyq kompanıada qyzmet etken Saltanat Rahymbekova da óz erkimen ornyn bosatqany belgili boldy.
Nurzat Toǵjan
