Qazirgi kezde jergilikti úlesti arttyrý úshin Mańǵystaý oblysynda jalpy somasy 311,4 mlrd. teńgege 120 memorandýmǵa qol qoıyldy. Atalǵan memorandýmdardyń aıasynda 295 mlrd. teńgege 334 kelisim jasaldy.

«Bul kelisimder QR-da jasalǵan kelisimderdiń jalpy kóleminiń úshten bir bóligin qurap otyr», - dep atap ótti aımaqtyń áleýmettik-ekonomıkalyq damýyna arnalǵan konferensıanyń barysynda Mańǵystaý oblysy ákiminiń orynbasary Sholpan İlmuhanbetova.

Budan basqa, onyń atap ótýinshe, barynsha jumyspen qamtý jergilikti bılik kózderi jumysynyń basty vektory bolyp tabylady. 

«Jyl basynan beri oblys boıynsha 13 myń 570 jumys orny quryldy, bul ótken jylmen salystyrǵanda 109 orynǵa kóp. Jumyssyzdyqtyń jalpy deńgeıi ótken jylmen salystyrǵanda 5,4 paıyzdan 5,2 paıyzǵa deıin, sonyń ishinde jastar arasyndaǵy jumyssyzdyq deńgeıi 6,8 paıyzdan 3,8 paıyzǵa deıin tómendegen. 

Bul qarqyndy saqtap, barlyq deńgeıdegi jumyskerlerdi qysqartý qaýpin barynsha azaıtý úshin ákimdikterdiń jumys berýshiler, kásipodaqtar jáne Kásipkerler palatasymen birlesip óndiristik prosesterdi turaqtandyrý, jumyskerlerdiń eńbek quqyqtary men jumysqa ornalasýyn qamtamasyz etý máseleleri boıynsha yntymaqtastyq týraly 620 memorandým jasaldy. Sol arqyly ekonomıkanyń túrli sektorlarynda 105 myń jumyskerdiń múddesi qorǵaldy», - dep túıindedi Sh.İlmuhanbetova.