Qazaqstanda ótken “H-faktor” realıtı-shoýynyń jeńimpazy, óskemendik ánshi Evgenıı Vyblov óz sózinde turyp, jeńip alǵan qarajatynyń jartysyn qaıyrymdylyqqa jumsady. Bul týraly Nur.kz saıytyna silteme jasaı otyryp, "Qamshy" aqparattyq portaly habarlaıdy. 

Ádil týyla salysymen aýyr syrqatqa shaldyǵyp, osy ýaqytqa deıin 13 otany basynan ótkergen. Búginde ol Almatydaǵy dáriger mamandardyń baqylaýyna alyndy. Osy jaǵdaıdy óz kózimen kórgen balalar úıiniń daryndy túlegi Vyblov 8 jastaǵy Ádil Kókenovtiń densaýlyǵyna qajet qarajatty tólep berdi.

Ádildiń anasy Anar Turymova Vyblovqa degen sheksiz alǵysyn bildrip: “Ózi balalar úıiniń túlegi bolǵanymen de, jetistikteri kóp, kópke qashan da kómekke qushtar.  Evgenıı meniń sóngen úmitimdi qaıta jaqty. Máskeýden Ádildiń otasy úshin kelgen otashy endi eshqandaı otanyń qajet bolmaıtynyna sendirdi,  – deıdi.

Ánshimen qosa, Ádilge birneshe óskemendik kompanıalar qol ushyn berip, nátıjesinde otaǵa $15 myń jınaldy.

Aldaǵy ýaqytta Vyblov munymen toqtamaı, jańa trekter jazyp, ózge oryndaýshylarmen qaıyrymdylq konsertin uıymdastyrýdy josparlap otyr.