Bıologıa jáne bıotehnologıa ǵylymı-zertteý ınstıtýty túıe indetine synaq ótkizip, oǵan qarsy vaksına shyǵarýǵa kiristi, dep habarlaıdy QR ASHM baspasóz qyzmeti.
Buǵan deıin «Veterınarlyq medısınanyń ulttyq anyqtamalyq ortalyǵy» RMK zerthanalyq zertteýleriniń nátıjeleri boıynsha Beıneý, Tájen jáne Syńǵyrlaý aýyldyq okrýgterinde túıe indetine baılanysty karantın engizilgen.
«Túıeler arasynda indet joq, alaıda janýarlar oqshaýlanyp, ákimdikterdiń veterınarıa bólimderi men QR ASHM Veterınarlyq baqylaý jáne qadaǵalaý komıteti aýmaqtyq ınspeksıasynyń jiti baqylaýyna alyndy.
İndet anyqtalǵan oryndarda «Respýblıkalyq epızootıaǵa qarsy otrád» RMK Mańǵystaý fılıalynyń mamandary dezınfeksıa jumystaryn júrgizýde.
Sondaı-aq, otandyq bıologıa jáne bıotehnologıa máseleleri jónindegi ǵylymı-zertteý ınstıtýty synaqtar ótkizip, túıe juqpasyna qarsy vaksınany iske qosty. Zańnamaǵa sáıkes ony tirkeýdi Qazaqstan Respýblıkasy Aýyl sharýashylyǵy mınıstrliginiń Veterınarlyq baqylaý jáne qadaǵalaý komıteti júzege asyrady» delingen mınıstrlik taratqan aqparattyq habarlamada.
Pikir qaldyrý