Jyl basynan beri Túrkıaǵa demalýǵa barǵan 12 qazaqstandyq Antalıada qaza bolǵan. Bul týraly Astanada ótken brıfıńte  SİM resmı ókili Altaı Ábıbýllaev málimdedi, dep habarlaıdy «Qamshy» portaly.

Esterińizde bolsa, Túrkıadaǵy apatqa ushyraǵan avtobýsta 7 qazaqstandyqtyń bolǵany týraly BAQ jazǵan bolatyn. Belgili bolǵandaı, jol kólik apatynan qaza tapqan eki adamnyń biri 19 jasar qazaqstandyq qyz bolyp shyqqan.

SİM ókili Ábıbýllaevtyń aıtýynsha, jol apaty oryn alǵan   atalmysh tas jol Túrkıadaǵy qaýipti joldardyń biri bolyp sanalady eken.

«Biraz ýaqyt buryn osy kúre jolda («Pamýkkale-Antalıa» – agenttik) jol-kólik oqıǵasynan   bizdiń azamat Konstantın Ivanov qaza bolǵan edi, bul tas jol týrıser úshin qaýipti sanalady. Bizdiń konsýldyq qyzmetkerleri barlyq qajetti kómekti kórsetý úshin únemi belsendi  túrde jumys isteıdi», – dedi ol.

SİM málimetine súıensek, jyl basynan beri Antalıada Qazaqstannyń 12 azamaty: úsheýi jol apatynan, 9-y densaýlyǵy nasharlaý saldarynan qaza bolǵan.

Nurzat Toǵjan