Temirtaýlyqtar tamyzdyń alǵashqy aptasyn qalaǵa jańa ákimdi taǵaıyndaýmen túıindedi.  Osylaısha Qaraǵandy oblysynyń apparatynda jańa kadrlyq taǵaıyndaýlar boldy. QR Prezıdent ákimshiliginiń kelisimi jáne Qaraǵandy oblystyq máslıhat depýtattarynyń maquldaýymen Temirtaý qalasyna Ǵalym Áshimov myrza ákim  bolyp taǵaıyndaldy. Al jap-jańa ákimdi qala aktıvine oblys basshysy Nurmuhambet Ábdibekov tanystyrǵan. Bul týraly «Qamshy.kz» saıty egemen.kz-ke silteme jasaı otyryp habarlady.

Ǵalym Áshimov 1968 jyly týǵan. 2000 jyly Baıqońyrov atyndaǵy Jezqazǵan memlekettik ýnıversıtetin ekonomıs-menedjer mamandyǵy boıynsha bitirdi. Ár jyldarda Qaraǵandy oblysyndaǵy Jáırem aýyly men Qarajal qalasynyń ákimi bolyp qyzmet atqardy. Sondaı-aq, oblys ákiminiń apparaty men oblystyq ónerkásip jáne ındýstrıaldy-ınnovasıalyq damý basqarmasyn basqardy. Temirtaý qalasynyń basshysy bolyp taǵaıyndalǵanǵa deıin oblys ákiminiń aýyl sharýashylyǵy máseleleri jónindegi orynbasary bolyp eńbek etti. Al búginge deıin Temirtaýdy bes jyl basqaryp kelgen Nurken Sultanov oblys ákiminiń keńesshisi bolyp taǵaıyndaldy.

Nurzat Toǵjan

«Qamshy» silteıdi