Ońtústik Qazaqstan oblysynda arheologtar el tarıhyndaǵy tuńǵysh áıel jaýyngerdiń súıegin tapty. Bul týraly «Qamshy» portaly Qazaqparatqa silteme jasaı otyryp habarlaıdy.

Ońtústik qazaqstandyq arheologtardyń anyqtaýynsha, áıel jaýyngerdiń múrdesi tolyq qarýlanǵan kúıi tabylǵan. Aldyn ala boljamdar boıynsha tabylǵan múrde bizdiń dáýirimizge deıingi  2 ǵasyrdan b.d. 4 ǵasyr aralyǵynda ómir súrgen bolýy múmkin.

Qazirgi ýaqytta belgili bolǵandaı bul múrde – argehologtar  az zerttegen Qańly memleketiniń ókili. Al Qazaqstan tarıhy oqýlyqtarynda  osyǵan deıin Saq patshaıymynan ózge birde-bir jaýynger áıeldiń bolmaǵany týraly jazylǵan.

Qazirgi ýaqytta arheologtar áıel jaýynger súıeginiń ár santımetrine deıin  elep-eksheýde.. Shamamen onyń jasy- 2300 jyldy quraıdy.

Áıeldiń oń qolynda temir jebeniń eki túri, sadaq elementi, qanjar jáne kishkene pyshaq, al sol jaǵynda úlken qylysh, súıekterden jasalǵan kóptegen buıymdar tabylǵan. Keıbir zattardy mamandar áli de anyqtaý ústinde.

Tolyqtaı zertteý jumystary aıaqtalǵan soń, tabylǵan jaýynger áıeldiń súıegi QR Ortalyq murajaıyna tapsyrylady. Keıin áıel múrdesine jáne basqa da jádigerlerge saraptama jasalatyn bolady.

«Osy Kúltóbe qalashyǵynda eki myń jyl buryn úlken qala bolǵan. 23 jyl arnaıy ekspedısıa bul jerden ótken dáýirdiń jádigerlerin taýyp keledi. Qazir taǵy bir qorǵandy ashyp jatyrmyz. Bul jerde áli talaı qyzyqty dúnıeler tabylatynyna senimdimiz»,-deıdi zertteýshiler.

Nurzat Toǵjan