Bir jas jigit jańadan ákim bolǵan kezde aldyńǵy ákim buǵan úsh hat qaldyrypty, "tek, qınalǵan kezde ashyp oqyrsyń" dep. Sonymen, álgi jańa ákim óz qyzmetin atqara bastaıdy. Bul jumys ózi oılaǵandaı ońaı bolmaı shyǵady da, uzamaı álgi úsh hattyń birinshisin ashyp oqıdy, onda "úıip-tógip ýádeni bere ber" jazylǵan eken. Bul buljytpaı oryndaıdy.

Arada jáne biraz ýaqyt ótedi. Qurǵaq ýádelerden jalyqqan halyq buǵan narazy bola bastaıdy. Tirligi alǵa baspaǵan ákim "ekinshi hatty ashatyn mezgil de jetti-aý" degen oımen kelesi hatty oqıdy. "Burynǵy ákimdi jamandaı ber",- dep jazylypty.

Ákim solaı etedi, biraq, munymen qashanǵy júrsin? Arada biraz ýaqyt ótken soń jáne daǵdaryp, sońǵy hatty ashpaqqa bekinedi ǵoı. Ondaǵy mátin de qysqa ǵana eken: "Endi ornyńdy bosata ber".

Myqtybek Oraztaıuly, Facebook paraqshasynan