Kúni keshe ǵana Almaty qalasyna ákim bolyp taǵaıyndalǵan bas partıanyń eks-tóraǵasy Baýyrjan Baıbekke qatysty qazaqstandyq saıasatkerler óz pikirlerin bildirgen. Bul týraly «Qamshy» portaly Tengrinews.kz-ke silteme jasaı otyryp habarlaıdy.
"Álternatıv" ózekti zertteýler ortalyǵynyń dırektory Andreı Chebotarev Elbasy Baıbekke úlken senim artqany dep baǵalasa, "Táýekeldi baǵalaý tobynyń" dırektory Dosym Sátpaev bul taǵaıyndaýdy ózgeshe bir «eksperıment» dep esepteıdi. Sarapshylar óz oılaryn Tengrinews.kz tilshisine bergen suhbattary barysynda jetkizgen.
"Baıbekke qatysty aıtatyn bolsaq - bul óte qyzyq eksperıment, sebebi meniń oıymsha, Almaty qalasyn sharýashylyqta tájirıbesi joq adam birinshi ret basqaryp tur. Sondyqtan men áleýmettik jelide Almaty - "Nur Otan" emes, bul jerde sózge emes, iske senedi dep qaljyńdadym. Meniń oıymsha, bul rasynda da Baıbektiń ózi úshin salmaqty synaq bolady, ol kúz-qys kezeńi qarsańynda taǵaıyndaldy, bul kezeń bizdiń shahar úshin aýyr jáne salmaqty kezeń. Al Ahmetjan Esimovtyń komandasynda jaqsy basqarýshylar jeterlik. Endi kóp nárse Baýyrjan Baıbektiń komandasyna tikeleı baılanysty bolmaq", - deıdi Dosym Sátpaev.
"Meniń oıymsha, oǵan qazir tolyqtaı kadrlyq tazalaý júrgizýdiń qajeti joq. Qalaı desek te - Almaty óte kúrdeli komýnaldyq sharýashylyq, bul jerdiń ınfraqurylymy da kúrdeli, naqty ári áleýetti problemalar jeterlik. Sondyqtan ol ózi túsinip, biz de - almatylyqtar odan ne kútetinimizdi túsinip alǵanǵa deıin Baıbekke synaq merzimin berý kerek. Sebebi Baıbek shyn máninde ózi úshin ǵana emes, búkil bolashaqtyqtar úshin jaýapkershilikti óz moınyna alaıyn dep tur", - dedi sarapshy, sonymen qatar, ol Memleket basshysynyń Almaty ákimi etip Baýyrjan Baıbekti taǵaıyndaý arqyly óz jolyn jastarǵa bergenin kórsetti dep, nazar aýdartty.
"Jastar ózderin qandaı da bir partıalyq qurylymda, jyly orynda otyryp, ózderin kórsetip qana qoımaı, basqarýshy ári sharýa adamy retindegi óz qabiletterin kórsetý úshin jas mamandarǵa múmkindik berilip otyr. Almaty degenimiz - memleket ishindegi memleket emes pe, bul jerde rasymen-aq problema jeterlik, olardy jyldam ári shapshań túrde sheshý kerek, sońǵy sel kórsetip bergendeı, bul jerde qalanyń qaýipsizdigine baılanysty belgili bir aıaqsyz ister bar", - dep esepteıdi Sátpaev.
"Qazir Baıbekten kóp nárse kútilip otyr jáne dástúr boıynsha beriletin 100 kúndik synaq merzimi barlyǵynyń nege ákep soǵatynyn kórsetedi", - dedi Sátpaev jáne ol Baýyrjan Baıbektiń Almaty ákimi laýazymyndaǵy keleshegine elý de elý degen baǵa berdi.
Al ekinshi sarapshy - Andreı Chebotarev Baıbektiń taǵaıyndalýyna baılanysty óz derbestigin tekseredi degen baǵa berdi. "Baýyrjan Baıbektiń Almaty qalasynyń ákimi bolyp taǵaıyndalýyna baılanysty aıtatyn bolsaq - bul zor senimniń kórsetkishi, sebebi ol ózin respýblıkalyq deńgeıde kórsete bildi. Janjaldar arasynda kóringen joq. Endi oǵan mańyzdy laýazym tapsyryldy, tipti derbes jumys deýge bolady. Sebebi meniń oıymsha, ortalyq deńgeıde jumys istep júrseń belgili bir súıenishiń bolady. Baıbek úshin bul jaqsy tájirıbe, ol buǵan deıin aımaqta jumys istegen joq", - deıdi Chebotarev.
Nurzat Toǵjan
