Keshe Almaty qalalyq soty óz jynysyn aýystyrǵany úshin jumystan qýylǵan burynǵy polısıa qyzmetkerine qatysty sheshimdi shyǵarǵan. Qalalyq sottyń sheshimimen burynǵy polıseı qyzmetkeriniń jumysqa qaıta qabyldaý týraly shaǵymyn qanaǵattandyrmady jáne keltirilgen moraldyq shyǵyny úshin ótemaqy suraǵan talabyn da oryndamady. Bul týraly «Qamshy» portaly «Azattyqqa» silteme jasaı otyrp habarlaıdy.

Esterińizde bolsa, osyǵan deıin qazaqstandyq polıseı áıeldiń jynysyn ózgertý úshin operasıa jasatqany jáne bul áreketi úshin jumystan alastatylǵany týraly qazaqstandyq BAQ jazǵan bolatyn.

Osylaısha, Almaty qalalyq burynǵy ishki ister departamenti qyzmetkeriniń isi sotqa deıin jetken. Polısıa starshınasy bólimshege kelip túsken qońyraýlardy qabyldap, patrúldik polısıa qyzmetin uıymdastyryp otyrǵan. Ol ózi polısıada jumys istegen jyldary áıel obrazynda júrgen, keıin jynysyn aýystyrý týraly sheshim shyǵarǵanda jumysynan aıyrylyp qalǵan.

Almatynyń jedel basqarý ortalyǵynyń burynǵy qyzmetkeri sottan jumysyna qaıta alýdy, «eriksiz jumystan qalǵan kúnderi úshin» jalaqy óndirýdi jáne advokattyń qyzmet aqysyn tóleýdi jáne 80 mıllıon teńge kóleminde «moraldyq ótemaqy» óndirip berýdi suraǵanymen, alǵashqy sot ınstansıasy polısıa qyzmetkeriniń talaptaryn qanaǵattandyrmaǵan.

Jynysyn aýystyrǵan eks-polıseıdiń aıtýynsha, jynysty ózgertetin operasıa memlekettik medısınalyq kvota boıynsha jasalǵan.

«Men jeńiletinimdi bilgenmin. Bul jurttyń kóbi jáne sheneýnikter de gomofob ekendigin bildiredi. Olarǵa búkil bir júıe men emes, jalǵyz-jarymdarmen, transgendermen kúresken ońaı. Eger men jeńsem, quqyq qorǵaý organdarynda adam quqyǵy buzylmaǵan bolar edi», deıdi eks-polıseı.

Nurzat Toǵjan