Búginnen bastap Qyrǵyzstan Qazaqstan, Belorýsıa, Reseı jáne Armenıamen qatar Eýrazıalyq ekonomıkalyq odaqtyń tolyqqandy múshesi boldy.  Bul týraly «Qamshy» portaly EAEO komısıasy aqparattaryna silteme jasaıdy.

«12 tamyzdan bastap Qyrǵyz Respýblıkasynyń EAEO-ǵa qosylý týraly kelisimder kúshine enetin bolady. Sondaı-aq, Qyrǵyzstan odaqqa múshe elderge shekaralyq qatynastaryn tolyq ashatyn bolady»,-delingen reseılik aqparat kózderinde.

«Qyrǵyzstannyń EAEO-ǵa múshe bolýy birinshiden sol memleket úshin kóptegen múmkinshilikterdi ashady. Birinshiden, taýar tasymaldaý joldaryndaǵy kedergiler joıylyp, qyzmet, jańa jumys kúshteri ashylady. Jańa ınvestısıalyq jobalar men iri ınfraqurylymdyq jobalar tartýǵa múmkindik týyp otyr. Sonymen qatar, energetıka, transport,aýylsharýashylyq qurylymdarǵa jańa joldar ashylady. Qyrǵyzstan azamattary odaqqa múshe kez kelgen memleketti erkin jumys isteı alady»,-dıdi EEK.

Al RIA Novostı-diń aqparatynda Qazaqstan men Qyrǵyzstan arasyndaǵy kedendik baqylaýdy alyp tastaý rásimi 12 tamyz kúni ótetin bolady. Bul sharaǵa qos eldiń Prezıdentteri Nursultan Nazarbaev pen Almazbek Atambaev qatysady dep josparlanýda. Kedendik baqylaýdy alyp tastaý onlaın júıede eki eldiń arnalarynan kórsetiletin bolady.

Degenmen qazaqstandyq ekonomıserdiń aıtýynsha,  kedendik baqylaýdy alyp tastaǵannan keıin elimizdiń ishki naryǵyna arzan qyrǵyz taýarlary kóptep kele bastaıdy. Bul qazaqstandyq taýarlardyń básekege qabiletin tómendetetini sózsiz. Ásirese, kishi jeke kásipkerler shyǵynǵa batýy múmkin. Sebebi, qazaqstandyq taýarlar sapasy jaqsy bolǵanymen baǵasy qyrǵyz taýarlarynyń baǵasyna sáıkes kelmeıdi.

Nurzat Toǵjan