Memlekettik bilim granttaryn bólýdegi «shıkilikter» týraly «Qamshy» portaly osyǵan deıin de jazǵan bolatyn. Jaqynda Batys Qazaqstan oblysynda bilim grantyna ilikpeı qalǵan qyz ózine-ózi qol jumsaǵan. Bul týraly «Qamshy» portaly tengrinews.kz-ke silteme jasaı otyryp habarlaıdy.
Oraldyq "Moı gorod" saıtynyń habarlaýynsha, qaza bolǵan qyzdyń anasy atalmysh saıtqa suhbat bergen.
Qaza bolǵan qyzdyń sheshesi Baqyttyń aıtýynsha, onyń jalǵyz qyzy Áıgerim oqıǵa aldynda grantqa túskenderdiń tizimin qaraǵan. Óziniń aty-jónin tizimnen tappaǵan .
"Ol nátıjelerdi birinshi kompúter arqyly qaraǵan, odan shyqpaǵan soń keıin uıaly telefonnan qarady. Sosyn, senbeı poshtaǵa baryp, "Egemen Qazaqstan" gazetin satyp aldy. Keıin maǵan "Men tizimde joq ekenmin" dedi. Men oǵan "Jaraıdy, eshteńe etpeıdi, biz seni Almatydaǵy QyzPI-ge jiberemiz dedim. Men ony eshqaıda tastamaıtynymdy, sebebi jalǵyzym ekenin aıttym. Ol jýynýǵa baratynyn aıtty. Ol tipti jylaǵan da joq ", - deıdi Baqyt.
Budan keıin sheshesiniń aıtýynsha, Aıgerim jýynyp, óz kıimin jýyp, jaıyp qoıady. Ol óz qyzynyń aýlada júrgenin kóredi. Birneshe mınýttan keıin Aıgerimge kórshisi kelip, sheshesi onyń aýlada júrgenin aıtqan. "Qoranyń mańynan ótip bara jatyp, ol Aıgerimniń turyp turǵan sátin kórgen. Bir qarasaq, ol ilinip tur eken", - dedi anasy. Sheshesi men kórshisi Aıgerimdi sheship alyp jatqan sátinde ol tiri bolypty. Oqıǵa ornyna kelgen dárigerler sheshesine qyzynyń tipti tiri ekenin aıtqan. Alaıda Aıgerim aýrýhanaǵa bara jatqan kezde qaıtys bolypty. Basylym málimetinshe, talapkerdiń sheshesi ony grantqa túse almaǵandyqtan osyndaı iske barǵan dep esepteıdi. Aıgerim Podstepnoı qazaq orta mektebin bitirip, UBT-dan tórt pán boıynsha 93 bal jınaǵan, al orys tilin sanamaǵanda 73 bal.
Osy oqıǵaǵa qatysty marqum oqyǵan mekteptiń dırektory túsinik berdi - Berik Nyǵmetovtyń aıtýynsha, onyń tańdaý páni aǵylshyn tili bolǵan. "Biz bul oqıǵa jaıly keshe bildik. Búgin tańda onyń úıine bardyq. Ne aıta alamyn, ata-anasy qaıǵyly oqıǵaǵa qatty qınalyp jatyr. Aıgerim úzdik oqyǵan joq, biraq úlgerimi jaqsy edi. Biz oǵan aǵylshyn tilin tańdap, grantqa ıe bolýdyń qıyn ekenin aıttyq, sebebi aǵylshyn tilin tańdaıtyndar kóp", - dedi mektep dırektory. Aıta keteıik, bul mekteptiń 15 túleginiń segizi ǵana bilim berý grantyna ıe bolypty.
Nurzat Toǵjan
