Astananyń Almaty aýdandyq 2-soty "Astana EKSPO-2017" ulttyq kompanıasy qurylys departamentiniń burynǵy basshysy Qajymurat Úsenovti qamaý merzimin 8 qyrkúıekke deıin uzartty. Úsenov "bótenniń ózine senip tapsyrylǵan úlken kólemdegi qarjyny jymqyrǵan" degen kúdikke ilingen. Bul týraly «Qamshy» portaly «Azattyqqa» silteme jasaıdy.

Keshe Astananyń Almaty aýdandyq soty "Astana EKSPO-2017" kompanıasynyń burynǵy atqarýshy dırektory Sýlambek Barkınhoevtyń qamaýda otyrý merzimin 17 qyrkúıekke deıin uzartqan. Munyń aldynda "Astana EKSPO-2017" kompanıasynyń burynǵy dırektory Amangeldi Ermegıaevti qamaýǵa alý merzimi 12 qyrkúıekke deıin uzartylǵan.

Barkınhoev pen Ermegıaev ózine senip tapsyrylǵan qarjyny zańsyz ıelendi degen kúdikke ilingen. "Astana EKSPO-2017" kompanıasynyń top-menedjerleri maýsym aıynda ustalǵan.