Aqtóbe turǵyny "VKontakte" jelisi arqyly jıhadqa úndeý jasaýmen aınalysqan, - dep jazǵan "Dıapazon". Onyń kompúterlik klýbta ákimshi bolyp qyzmet etkeni habarlanyp otyr. Bul týraly «Qamshy» tengrinews.kz-ke silteme jasaıdy.

Tergeýshilerdiń málimetinshe, er adam terorızmdi nasıhattaýǵa, ultaralyq alaýyzdyq jasaýǵa baǵyttalǵan radıkaldyq dinı aǵymnyń ustanýshysy bolǵan. Onyń "VKontakte" áleýmettik jelisindegi paraqshasy arqyly "Abý Ansar" nıginde jıhadqa úndeýmen aınalysqany habarlandy. Ol DAISH lańkestik tobynyń Sırıa men Iraktaǵy qarýly áreketterin maqtaǵan.

Er adamnyń soty 11 tamyzda boldy. Ol terorızmdi nasıhattaǵany úshin jáne ultaralyq alaýyzdyq pen dinı alaýyzdyq týǵyzǵany úshin múlkin tárkileý arqyly bes jylǵa bas bostandyǵynan aıyryldy. 

Eske salaıyq, osyǵan deıin Aqtóbede segiz adamǵa "Terorıstik nemese ekstremıstik áreketti qarjylandyrǵany jáne terorızmge ne ekstremızmge ózge de dem berýshilik" jáne "Áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý" baptary boıynsha jaza kesilgen bolatyn. Olar tıisti jazasyn aldy.