Jaqynda «Altyn júrek-2015″ qaıyrymdylyq syılyǵynyń saltanatty tapsyrý rásimi ótedi.  Kesh aıasynda buryn-sońdy bolmaǵan erekshe  qaıyrymdylyq aýksıonyn ótkizý de josparlanǵan. Bul týraly «Qamshy» portaly  Today.kz-ke silteme jasaı otyryp habarlaıdy.

Osymen 9- ret ótkizilip otyrǵan «Altyn júrek» qaıyrymdylyq syılyǵynyń tarıhynda erekshe lottar paıdalanybmaq.  Aýksıonǵa qoıylǵan lottardyń jalpy sany -9.  Negizgileriniń qatarynda «Qazaqstan arýy-2014″ baıqaýynyń jeńimpazy Regına Vandyshevamen keshki as ishý bolyp tabylady. Atalmysh sharaǵa  Regına hanymnyń ózi de kelisim beripti.  Sondaı-aq, aýksıon jeńimpazymen keshki sháı ishýge kelisim bergen tanymal qazaqstandyq saıasatkerler de joq emes. Qaıyrymdylyq syılyǵyn uıymdastyrýshylar kelissózder jasaýdy áli de júrgizýde. Uıymdastyrýshylardyń aıtýynsha, keshtiń eń mańyzdy qonaǵy jáne Qazaqstannyń premer-mınıstri Kárim Másimov. Uıymdastyrýshylar Másimov myrzamen sháı ishý úshin arnaıy aýksıon uıymdastyrmaq.  Premer-mınıstr myrzamen keshki sháı ishýge arnalǵan lottar basqalaryna qaraǵanda qymbatyraq bolmaq. Bastapqy baǵa úsh júz myń teńgeden bastalady-mys. Bul týraly  «Baýyrjan» qaıyrymdylyq qorynyń baspasóz-hatshysy Aınur Sálimbaeva málimdegen.

Sálimbaevanyń aıtýynsha, Olımpıada chempıony Aleksandr Vınokýrov aýksıonǵa óziniń qoltańbasy bar jeńil jeıdesin bergen eken. Sonymen qatar, aýksıonǵa  «Mılan» fýtbol klýby oıynshylaryń qoltańbalary bar dop ta qoıylady.

Uıymdastyrýshylar jınalǵan qarjyǵa balalarǵa arnalǵan oıyn alańdaryn salmaq. Ol birinshi bolyp, Qyzylorda qalasynda salynatyn bolyp bekitilgen.

Nurzat Toǵjan