Indonezıanyń shyǵysynda apatqa ushyraǵan Trigana Air Service kompanıasynyń laınerin izdestirý jumystary bastaldy. Bul týraly "Qamshy" aqparattyq portaly Bnews.kz-ke silteme jasaı otyryp habarlaıdy.  

Qazir izdeý jumystary júrgizilip jatqan aımaqta aýa raıy qolaısyzdyqtary týyndaǵan sebepti, jumystar ýaqytsha toqtatylǵan.  Sınoptıkterdiń boljaýynsha, munda aýa raıy tek tústen keıin ashylady. 
 

Eske sala keteıik, jeksenbi kúni Indonezıa Kólik mınıstrliginiń ókili ATR 42-300 ushaǵy Oksıbıl qalasynan shamamen 25 shaqyrym jerde apatqa ushyraǵanyn málimdegen.  Keshe qas qaraıyp qalǵandyqtan izdeý-qutqarý operasıasyn toqtatýǵa týra kelgen bolatyn. Onyń ústine aýa raıy qolaısyz boldyqtan  izdeý jasaǵy oqıǵa ornyna jetý úshin kem degende 3-4 saǵat ýaqytty qajet etken.
Laıner qonýǵa 10 mınýt qalǵanda radardan joǵalyp ketip, baılanys úzilgen. Aldyn ala málimet boıynsha, onyń bortynda 49 jolaýshy, bes ekıpaj múshesi bolǵan, onyń ishinde bes bala bar.