OQO-da kásipkerden 120 teńge talap etken departament basshysyna qatysty qylmystyq is qozǵaldy. Bul týraly "Qamshy" aqparattyq portaly  nur.kz-ke silteme jasaı otyryp habarlaıdy.

OQO-nyń departament qyzmetkerleri tarapynan júrgizilgen shuǵyl izdestirý sharalar nátıjesinde, gaz quıý beketin paıdalanýǵa ruqsat beretin  qujattardy rásimdeý úshin Investısıa jáne damý mınıstrligi ındýstrıalyq damý jáne ónerkásiptik qaýipsizdik komıtetiniń OQO  boıynsha departamentiniń basshysy S.Seıtımov kásipkerden 120 myń teńge para talap etken.

Naqtyraq aıtqanda «Shymkent Gaz-termınal» JSHS-niń qyzmetkeri J.Júnisov ózinen osynshama para talap etken S.Seıtimovke aqshany berý barysynda qolǵa tústi.

Aıta ketý kerek, para berý de, para alý da qylmys bolyp tabylady. Sondyqtan da bul oqıǵa boıynsha «Shymkent Gaz-termınal» JSHS-niń qyzmetkeri J.Júnisovke qatysty para berý boıynsha Qylmystyq kodekstiń 367 baby 1 bóligine sáıkes (Para berý), sotqa deıingi tergep-tekserý bastaldy deıdi OQO boıynsha Memlekettik qyzmet isteri jáne sybaılas jemqorlyqqa qarsy is-qımyl departamentiniń Baspasóz hatshy –Erlan Ermahanbetov.

Al, S.Seıtımovke qatysty Qylmystyq kodekstiń 366 baby 1 bóligine sáıkes (para alý) sotqa deıingi tergep-tekserý júrgizilýde. Qazir oǵan prokýrordyń sanksıasymen «kepil» túrindegi bultartpaý sharasy qoldanyldy. Tergeý amaldary júrgizilýde.