Áleýmettik jelilerde reseıshil pikirlerimen tanymal bolǵan, keıin  ultaralyq arazdyqty qozdyrǵany úshin ústinen qylmystyq is qozǵalyp, Almaty qalasyndaǵy psıhıatrıa, psıhoterapıa jáne narkologıa ǵylymı-praktıkalyq ortalyǵyna jatqyzylǵan qazaqstandyq blogger Ermek Taıshybekov ózine taǵylǵan aıyptardy tolyqtaı moıyndamaıtynyn aıtty. Bul týraly «Qamshy» portaly NUR.kz-ke silteme jasaı otyryp habarlaıdy.

Esterińizde bolsa,  osyǵan deıin Qamshy portaly «Belsendiler jyndyhanaǵa jatqylyzǵan Taıshybekovty bosatýdy talap etip, petısıa daıyndaýda» atty maqala jarıalaǵan bolatyn.

Reseılik jáne qazaqstandyq buqaralyq aqparat quraldary «Reseıdi jaqtaýshy» Taıyshbekov týraly túrli aqparat jazǵan. Tipti, onyń jaqtastary QR Prezıdenti N.Nazarbaevtyń atyna petısıa ázirlegen de bolatyn.

Al qarsy top, «Feısbýk» áleýmettik jelisinde «Ermek Taıchıbekov jáne onyń sybaılastary qamaýǵa alynsyn!» degen arnaıy top paraqshasy da ashqan.

Bul aqparatty centrasia.ru tárizdi taǵy birneshe aqparat quraldary kóshirip basqan.

Al Ermek Taıshybekovtyń jyndyhanaǵa jatqyzylǵanyn Qazaqstan ulttyq qaýipsizdik komıteti (UQK) Jambyl oblystyq departamentiniń 9-basqarmasy bastyǵy orynbasary Jolaman Nurpeıisov Azattyqqa bergen suhbatynda rastaǵan.  

“Ermek Taıchıbekovtiń ústinen 2015 jyly maýsym aıynyń 30-y kúni qylmystyq kodekstiń «Áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý» atalatyn 174-babynyń 1-tarmaǵy boıynsha is qozǵaldy da, tergeý kezinde Ermek Taıchıbekovke sot-psıhıatrıalyq saraptama jasalyp, sarapshylar «aqyl-esiniń aýytqý belgisi bar» degen qorytyndyǵa keldi. Tamyzdyń 12-si kúni ol Almatydaǵy psıhıatrıa, psıhoterapıa jáne narkologıa ǵylymı-praktıkalyq ortalyǵyna bir aıǵa tekserýge jatqyzyldy”, – dedi Jolaman Núrpeıisov.

NUR.kz-tiń jazýynsha, «SSSR-diń ydyraýy men úshin tragedıa boldy. Óıtkeni meniń otanym ydyrap ketti. Endi otanym (SSSR-di aıtady – red.) qaıta birigýi kerek. Otanym – SSSR, Reseı» dep júrgne Taıshybekov endi biraz ýaqyt psıhıkalyq aýrýhanada tynyǵatyn bolady.

Taıshybekovtyń  «Feısbýk» áleýmettik jelisindegi separatıstik jazbalaryna qatysty qazaqstandyq belsendilerdiń aryzy qazir qaralý ústinde. Al Taıshybekovtyń ózi bolsa, endi Qazaqstan men qazaqtar týraly jazýdy doǵaratynyn da aıtqan-mys.

Ermek Taıchıbekov 2013 jyly qazaqstandyq zonakz.net aqparat quralyna bergen suqbatynda «SSSR-diń ydyraýy men úshin tragedıa boldy. Óıtkeni meniń otanym ydyrap ketti. Endi otanym (SSSR-di aıtady – red.) qaıta birigýi kerek. Otanym – SSSR, Reseı» degen bolatyn. Ol osy suhbatynda sol maqsatyn iske asyrý úshin «Reseı bıligimen baılanys ornatqysy keletinin» de málimdegen. Ol bul jazbalalary úshin qylmystyq kodekstiń «Áleýmettik, ulttyq, rýlyq, násildik, tektik-toptyq nemese dinı alaýyzdyqty qozdyrý» dep atalatyn 174-babynyń 1-tarmaǵy boıynsha qylmysker dep tanylǵan adam eki jyldan jeti jylǵa deıin bas bostandyǵynan aıyrylýy múmkin.

Nurzat Toǵjan