Almaty qalasy ákiminiń orynbasary Erbol Shormanov otstavkaǵa ketti. Bul týraly «Qamshy» portaly  Zakon.kz-ke silteme jasaı otyryp habarlaıdy.

Osyǵan deıin Erbol Shormanov myrza ákimniń energetıka, turǵyn úı komýnaldy sharýashylyq máseleleri,  qalany kógaldandyrý, ekologıa, ónerkásip oryndary men shaǵyn jáne orta bıznesti damytý jáne  qalanyń  sanıtarly-epıdemıologıalyq jumystaryna jaýapty bolǵan.

Ázirge ákim orynbasarynyń óz erkimen otstavkaǵa ketýiniń sebepteri anyqtalmaǵan.

Erbol Álimqululy Shormanov 1968 jyly 20-tamyzda dúnıege kelgen.

1991 jyly Almaty qalalyq aýylsharýashylyq ınstıtýtyn ekonomıs mamandyǵy boıynsha támamdaǵan.

1997 jyldan 1998 jylǵa deıin Jambyl oblysy Keden basqarmasynyń basshysy qyzmetin atqarǵan.

1999 jyldan bastap  QR Memlekettik kirister mınıstrliginiń keden komıtetinde, BQO keden basqarmasynda laýazymdy qyzmetter atqaryp, 2002-2004 jyldary Almaty oblysy Keden basqarmasy basshysynyń birinshi orynbasary bolǵan.

2008 jyly Almaty qalalyq ákimi apparatynyń basshysy bolǵan.

Al 2009-2015 jyldary Almaty qalasyákiminiń orynbasary boldy.

Nurzat Toǵjan

«Qamshy» silteıdi