Basylym ońtústik óńirge ákim bolyp kelgen Beıbit Atamqulov týraly qyzyqty málimetterdi jarıa etti. Bul týraly "Qamshy" aqparattyq portaly "Nur.kz" saıytyna silteme jasaı otyryp habarlaıdy.

Atap aıtar bolsaq, kezinde «Qazaqstan temir joly» kompanıasyn basqarǵan Erlan Atamqulov pen Beıbit Atamqulovtyń bir-birine týysqan ekeni belgili boldy.

Odan bólek, jańa ákim 1996 jyly «Rahat metals» kompanıasynyń bas dırektory, 2002 jyldan bastap «Rahat» kompanıasynda dırektorlar keńesiniń tóraǵasy qyzmetin atqarǵan.

Bárinen buryn Atamqulovtardyń qudalyqtan joly bolǵany kórinip tur.

Baǵıla jáne Beıbit Atamqulovtar malaızıalyq qudalarymen birge. Foto: rgmedia.kz

Basylymnyń jazýynsha, OQO ákiminiń nemere aǵasy Erlan Atamqulov Imanǵalı Tasmaǵambetovtyń ápkesi Nursulý Tasmaǵambetovamen týǵan quda eken.

Qazaqy tilmen aıtqanda Beıbit Atamqulovtyń kelini Malaızıa premer-mınıstriniń jıeni bolyp keledi.

Al, Beıbit Atamqulov basqa emes, Malaızıa premer-mınıstriniń qyzyn ózine kelin etken.

Bıyl Bolat Nazarbaevtyń ógeı balasy Danıar Kesikbaev Malaızıa premer-mınıstriniń qyzymen jup jarastyryp, otyz kún oıyn, qyryq kún toıyn ótkizgenin bilemiz. Qazaqtyń jigitterine shetinen úlestire beretin Malaızıa premer-mınıstriniń qyzdary kóp pe? Osy aqparattyń anyq-qanyǵyn anyqtaý kezinde bilgenimiz – Malaızıada premer-mınıstr kóp bolyp shyqty. Onda ár óńirdiń premeri bolatyn kórinedi.

Beıbit Atamqulovtyń uly Dıas 2013 jyly Malaızıanyń Saravak dep atalatyn ákimshilik aımaǵynyń premer mınıstri Taıyp Mahmýdttyń qaryndasynyń qyzyna úılengen eken. Qazaqy tilmen aıtqanda Beıbit Atamqulovtyń kelini Malaızıa premer-mınıstriniń jıeni bolyp keledi.

Eske sala keteıik, jaqyndaǵy aýys-túıiste elbasymyz Ońtústik Qazaqstan oblysynyń jańa ákimi qyzmetine Beıbit Atamqulovty taǵaıyndaǵan bolatyn.