Astana áýejaıynda iri kontrabandalyq taýardyń joly kesildi. Qytaıdan 320-dan astam qundyz tondy zańsyz alyp kelgen azamattyń qolyna ushaqtan túsken boıda kisen salyndy. Bul týraly "Qamshy" aqparattyq portaly "Nur.kz" saıytyna silteme jasaı otyryp habarlaıdy.
Qundyz tondardy belgisiz azamat Pekın-Astana reısimen qazaq jerine alyp kelipti. Alaıda onyń qýlyǵy áshkere boldy. Tintý kezinde polıseıler jalpy sany 324 qundyz tonyn tárkiledi.
Onyń naryqtaǵy baǵasy 350 myń AQSH dollarynan asyp otyr. Qazir kúdikti kontrabandalyq jolmen taýar tasymaldaǵany úshin qamaýǵa alynyp, oǵan qylmystyq is qozǵaldy.
Pikir qaldyrý