Pavlodar oblysy İİD Ekibastuzdaǵy taksı kóligimen soqtyǵysqan avtomobıldiń salonynda polıseılerdiń bolmaǵanyn málimdedi. Bul týraly "Qamshy" aqparattyq portaly Tengrinews.kz-ke silteme jasaı otyryp habarlaıdy.  

Eske sala keteıik, jol-kólik oqıǵasynan taksıdiń 24 jastaǵy júrgizýshisi qaza tapqan bolatyn, taǵy eki adam aýrýhanaǵa jetkizilgen.

İİD málimetinshe, Lada Priora avtomobıliniń júrgizýshisi  Pavlodar qalasynyń turǵyny bolǵan. Ol balalar úıiniń tárbıelenýshisi, jumyssyz. "Lada Priora avtomobılinde bolǵandardyń eshqaısysy polısıa qyzmetkeri emes ekenin jazǵan vedomstvonyń  baspasózge bergen habarlamasynda.

"Qazirgi ýaqytta jalǵan aqparat taratqandardy jaýapqa tartý máselesi qarastyrylyp jatyr", - dedi İİD ókilderi.

Eske sala keteıik, jol-kólik oqıǵasy týraly aqparatty áleýmettik jelilerde taksı parkiniń qyzmetkeri Svetlana Shepel jarıalaǵan bolatyn. Óz postynda ol jol apatynyń kýágerlerin izdeıtinin jazdy. Keıin ol kýágerlerdiń tabylǵanyn habarlady. "Áleýmettik jeli arqyly biz kýáger taptyq, onyń aıtýynsha, "lada" joǵary jyldamdyqpen júrgen. Adamdar onyń mas bolǵanyn aıtty. Biz jol apaty kezinde avtomobılde polıseılerdiń de bolǵanyn anyqtadyq, olar da mas kúıde bolǵan", - dedi tasymaldaý  parkiniń qyzmetkeri Svetlana Shepel.

Lada Priora men VAZ-2106 avtomobılderiniń qatysýymen bolǵan jol-kólik oqıǵasy 15 tamyzda Abaı-Toraıǵyrov kósheleriniń qıylysynda boldy. Qaza tapqan jigittiń artynda áıeli men tórt aılyq qyzy qaldy.