Balasy joǵary mektep tabaldyryǵyn attasa, at shaptyryp, toı jasap, dýmandatatyn halyqpyz. «Maman atanady, ushpaqqa ushyrady»-, dep janyn qýanysh kernep,  balasy úshin baryn berip baqyttyń baýyrynda júretin qazaqpyz. Qaıtpek kerek, aýyldan asa almaıtyn qara domalaǵy  qalanyń qaq ortasynan qalaýynyń qaspaǵyn qarmap, joǵary mektep shákirti atanyp jatsa, qýansyn, qýanbaǵan da she...

Meniń bir tanysym bar edi, ózi saýdager. «Úıimde tabaqtaı qyzyl dıplomymy bar»,- dep maqtanatyn da júretin.  Naqtysyna naný úshin ádeıilep kórýge bardym. Shyn eken, QazUPÝ-dyń bildeı  bir fızıka-matematıkalyq fakúltetiniń túlegi eken. Túsingenim, túıgenim- grantpen oqyǵan, ózi ájepteýir jaqsy baǵamen baǵalanǵan, jaqsy túlekterdiń biri. "Osyndaı dıplommen nege saýdamen aınalysyp júrsiń?"-dep edim, suraǵyma qyryn qarap:"muǵalimniń bir aılyq alatyn 50 myńy- meniń bir kúndik tabysymnyń quny ǵoı. 50 myńnyń sońynan 1 aı salpaqtaǵansha, saýdager bolyp tapqan qarajatym qaýqarly emes pe?" deıdi keıip.

Men mektep qabyrǵasynda júrgende matematıkadan  sabaq beretin bir egdeleý muǵalim bar edi. Sol kisi bir sabaq arasynda:"osy muǵalimder ana dúnıege barǵanda,-deıtin(ıegimen kóterip,nusqap) -qyl kópirden ushyp ótip ketedi deıdi qınalmaı. Bizdiń Qazaqstan muǵalimderine qyl kópir túgil, tozaq  rahat bolyp seziletin shyǵar, táıiri,»-dep.   Sonda oılaýshy edim, úlken kisi áıteýir anany - mynany úgitteı beredi eken-aý dep,  qazir oılasam, jetpeıtin jetesiz qarajaty úshin kúıingeni eken ǵoı.  

Bıliktiń bıiginde otyryp halyq qamyn oılar ákim de, bazarda arba tartqan qara da  "A" degen áripten bastalatan bilimdi aldymen anasynan, onan soń mektep tabaldyryǵyn attap, saýatyn ashyp, sanasyna jetkizgen muǵalimnen sińiriedi. Bıliktegi aq jeıdeliler saýatyn ashyp, sabaq alyp jumsaq kresloǵa otyrýyna sebep bolǵan salıqaly jannyń jaǵdaıymen bir sát sanasyp qoısa bolar edi-aý...

Gúlden ÁBDİBAQYT