Jaqynda Today.kz saıtynda «Qazaqstannyń premer-mınıstri Kárim Másimov uıǵyr emes» (Premer-mınıstr Kazahstana Karım Masımov ne ýıgýr) atty maqala jaryq kórgen bolatyn.
Az ǵana ýaqyt ishinde ınternet qoldanýshylarynyń qyzý talqysyna túsken taqyryp ile-shala óshirilip tastalǵan.
Qazaqstan premeriniń ultyna qatysty daý budan sál erterekte bastalǵan bolatyn. Esterińizde bolsa, Prezıdenttiń eń senimdi adamy sanalatyn Kárim Másimov týraly qytaılyq uıǵyr saıttarynyń «Qazaqstannyń kelesi Prezıdenti uıǵyr bola ma?» atty maqalasyn osyǵan deıin de nazarlaryńyzǵa usynǵan bolatynbyz.
Endeshe bılik bıshikteriniń basshysy óziniń kóleńkesindegi osy bir saıası fıgýraǵa nege sonsha senim artady? Másimovty qazaq etip kórsetý kimderge tıimdi?
www.qwas.ru saıtynyń jazýynsha uıǵyr ultynan shyqqan Beıjiń ýnıverstıetiniń túlegi áldeqashan «qytaılyq» degen atqa ıe bolǵan. Saıttyń jazýynsha ol bizdiń eldegi komandalyq basqarý júıesinde Prezıdent kúıeýbalasynyń komandasyna kiredi eken. Bul sybys bolǵanymen, jel turmasa shóptiń basy qımyldamaıtyny da aqıqat.
Másimov qazaq pa, álde uıǵyr ma? Ol týraly Qytaıdaǵy uıǵyr saıttary jazǵan derekke súıensek:
1. Kárim Qajymqanuly Másimov 1965 jyly Qazaqstanda uıǵyr otbasynda týylǵan.
2. 1982 jyly 17 jasynda sol kezdegi sovet sosıalısik qaýipsizdik komıtetine (KGB) arnaıy shaqyrýmen qabyldanyp, mańyzdy qyzmetter atqarǵan.
3. Ol orys, uıǵyr, qytaı,aǵylshyn, tatar tilderin biledi. Qazaq tilinde sóılemeıdi nemese sóılegisi kelmeıdi. Taekvondomen áýestenedi. Qazaqstan «Qurmet» ordeniniń, Prezıdent ordeniniń ıegeri.
Elbasynyń kóz aldynda memlekettiń joǵary bılik qyzmetinde otyrǵan K.Másimov Qazaqstan úshin az kúsh jumsamaǵan, bilikti de bilimdi saıasatker obrazynda saqtalatyny túsinikti. Bılik basyndaǵy sheneýnikteriniń ishinde Másimovtiń mysy basyp turatyny Qazaqstandaǵy sheshim qabyldaý qurylymynan-aq ańǵarýǵa bolady. Kez kelgen másele Másimov maquldamasa kók tıynǵa teń. Bul neni bildiredi?
Eger aqyl tarazysyna salyp qarasańyz, qytaılyq uıǵyrlardyń «Qazaqstandy uıǵyr bıleıdi» dep attandap, aıǵaı salatyndaı jóni joq ekenin túsinesiz.
Qazirgi bir ortalyqtandyrylǵan basqarý júıesinde «postnazarbaevtyq» kezeńde Qazaqstan bıligi Másimovtiń qolyna ótitinine senetinder az. Saıası joramal álsiz. Eger el tizginin Kárim qolyna alsa da, ony moıyndamaıtyndar kóptep tabylatyny sózsiz. Bul óz kezeginde qoǵamdyq tártipsizdik ornaıtyny kórsetedi. Aldaǵy ýaqyttarda mindetti túrde ornaıtyn «postnazarbaevtyq» kezeńde qazirgi bılik basyndaǵylardyń árqaısysy shama-sharqynda tal qarmaýǵa kirisetini túsinikti. Tipti, áldileri taqqa da talasatyndyǵy sózsiz. Jershildik pen , rýshyldyqtan aıyryla almaǵan qazirgi halyq úshin bir uıǵyrdyń qazaqqa bas bolýy múmkin emes ekendigi sózsiz.
Sonymen,eń bastysy memlekettiń amandyǵy men táýelsizdigi úshin meıli qaısy ult ókili bolsa da halyqqa qyzmet etse bolǵany» dep oılaıtyndar bar ma? Áı, qaıdam?!
Dese de komandalyq basqarýshylar arasynda, memleket ishinde Másimovti qoldaıtyndar da az emes. Óıtkeni, K.Másimov memlekettik qyzmettiń barlyq tabaldyryǵynan ótken, ysyrylǵan tájirıbeli maman.
Qazaqstan tarapynyń aqparattaryndaǵy sybystarǵa qaraǵanda, Qazaqstan ekonomıkasynyń kóterilýine uıǵyr saýda kompanıalarynyń róli joǵary bolǵan kórinedi. Másimov ekonomıka mınıstri bolǵanyn eskersek, ol memleket ekonomıkasyn ýysynda ustap otyrýy da bek múmkin.
Nurzat Toǵjan
