25 jyldan astam ýaqyt boıy qyzmet etken ustazdar "Mamandyǵyna adaldyǵy úshin" tósbelgisimen marapattalady. Bul týraly bilim jáne ǵylym mınıstri Asqat Aımaǵambetov facebook paraqshasynda jazdy.
Mınıstr pedagogter men ǵylymı qyzmetkerler qandaı merekelerge sáıkes marapattalatynyn aıtty.
– Marapattaý rásimderi "Táýelsizdik kúni", "Bilim kúni", "Muǵalimder kúni", "Ǵylym qyzmetkerleri kúni" merekelerine oraılastyrylady. Sondaı-aq jumys toby 25 jyldan astam ýaqyt boıy ustazdyq etken áriptesterimizdi "Mamandyǵyna adaldyǵy úshin" tósbelgisimen marapattaýdy usyndy. Jyldar boıy adal eńbek etken sala ardagerlerin marapattaý mańyzdy dep sanaımyz, – deıdi Aımaǵambetov.
Onyń aıtýynsha, 25 jyldan astam ýaqyt boıy qyzmet etken ustazdar "Mamandyǵyna adaldyǵy úshin" tósbelgisi úshin qujat tapsyrmasa da bolady.
– Jumys tobynyń pikirinshe, shırek ǵasyr jumys istegen sala mamandary marapattyń osy túrin alý úshin eshqandaı qujat tapsyrmasa da bolady. Marapattardy alýdyń naqty júıeligi engiziledi. Ár marapattyń jeke sáıkestendirý kody bolady. Ol 12 sannan quralady jáne marapattaý jylyn, mereke kúnin, marapattalǵan adam jumys isteıtin salany, kótermeleý túrin jáne rettik nómirin kórsetetin bes bólimnen turady. Endi barlyq marapattalýshylar boıynsha mınıstrdiń buıryǵy shyǵady. Ol buıryq mindetti túrde kótermeleýdiń birińǵaı elektrondy esebinde saqtalyp, mınıstrliktiń ınternet-resýrsynda jarıalanady, – dedi mınıstr.
Pikir qaldyrý