Ádebıetshi ǵalym, fılologıa ǵylymdarynyń doktory, profesor, synshy Qazaqstan Respýblıkasynyń eńbek sińirgen ǵylym qaıratkeri Tursynbek Kákishev dúnıeden ozdy.

Ol 1927 jyly 15 tamyzda Aqmola oblysynyń  Bulandy aýdanvna qarasty Berli aýylynda dúnıege kelgen. 1950 jyly Qazaq memlekettik ulttyq ýnıversıtetin, al, 1960 jyly Qazaq KSR ǴA Til jáne ádebıet ınstıtýtynyń aspırantýrasyn támamdaǵan . Qazaq KSR-niń eńbek sińirgen ǵylym qaıratkeri (1979), akademık.

1960-1968 jyldary Qazaq KSR ǴA-nyń Muhtar Áýezov atyndaǵy Ádebıet jáne óner ınstıtýtynynyń aǵa ǵylymı qyzmetkeri, al 1968 jyldan KazMÝ-de aǵa oqytýshy, dosent, profesor, fılologıanyń syrttaı (1978-1985), kúndizgi (1985-1986) fakúltetteriniń dekany, kóp jyl osy ýnıversıtettiń fılologıa fakúltetinde "Qazaq ádebıetiniń tarıhy men syny" kafedrasynyń meńgerýshisi bolǵan.

Qazaqstan Jazýshylar odaǵynyń Sáken Seıfýllın atyndaǵy syılyǵynyń ıegeri. Halyqaralyq joǵary mektep ǵylym akademıasynyń qurmetti akademıgi, sonymen qatar Halyqaralyq Aıtmatov akademıasynyń akademıgi. "Parasat" ordenimen,  birneshe medaldarmen marapattalǵan.