Astana qalasyndadaǵy iri janarmaı quıý beketterinde kólik otynynyń baǵasy arzandatyldy. Qazaqparat agenttiginiń habarlaýynsha, «Qazmunaıgaz» maı quıý stansasynda  AI-92 markaly benzıni lıtri 125 teńgeden satylsa,  Kereı-Jánibek handar kósheleriniń qıylysyndaǵy «Nomadoıl» stansasynda osyndaı markaly benzınniń lıtri burynǵysha – 108 teńgeden satylýda. Bul týraly «Qamshy» portaly nur.kz-ke silteme jasaıdy.

Janarmaı beketterindegi AI-95 markaly benzınniń baǵasy – 136, AI-98-diń lıtri – 149, AI-96-niń lıtri – 129 teńge, AI-98 benzıniniń lıtri 145 teńge turady.

Sońǵy eki-úsh kúnde Almatydaǵy janarmaı beketterindegi benzın baǵasy AI-92/93 benzıniniń lıtri 127-130 teńge shamasynda bolǵan.

Osynyń aldynda Qazaqstan Úkimeti benzın jetispeýshiligin boldyrmaý úshin AI 92/93 benzıniniń baǵasyn memlekettik retteýden bas tartýǵa sheshim qabyldaǵany týraly jazǵan bolatynbyz.

Úkimettiń mundaı sheshimine vıse-premer túsinik bere otyryp, buryn Qazaqstan jetispeıtin benzındi Reseıden lıtrin 1 rúbl – 2,95 teńge baǵamymen 97 teńgeden satyp alyp, 108 teńgeden satyp kelgenin aıtqan.

Ol sonymen birge Qazaqstanda AI-80 markaly benzıni men dızel otynyna baǵa kóterilmeıtinin atap ótken.