Nurtas Adambaev «Sábına kelin-2» fılminiń túsirilim jumystarynyń aıaqtalǵandyǵy týraly óziniń  «Facebook» paraqshasynda habarlady. Ol fılm kórermender nazaryna keler jyldyń aqpan nemese naýryz aılarynda usynylmaq.  Bul týraly «Qamshy» portaly habarlaıdy. Kartına avtorynyń aıtýy boıynsha bul fılm kóptegen qyzǵa jaqsy úlgi bolarlyq tárbıelik máni bar týyndy eken. Kıno  Almaty oblysynyń Jambyl aýdanyna qarasyty Degeres aýylynda túsirilgen. Túsirilim barysynda aýyldyqtar men shyǵarmashylyq ujym arasynda kelispeýshilikter de bolǵan. Degerestikter aýylyn kelemej etken shyǵarmashylyq ujymǵa ókpeli kórinedi. Degeres aýylynyń turǵyny Elnur Beısenuly «Sábına kelin» fılmindegi kınoshylardyń jastardyń neke toıyndaǵy lımýzınniń oryna esek pen arbany bezendirýi- aýyldyqtardyń namysyna tıdi dep esepteıdi. «Men kıno túsirýshilerdiń ol áreketin qazaqty kelemejdeý dep bilemin. Dalaǵa toı jasatyp, esekpen jastardy qydyrtý degen ne sumdyq? Qaı atamyz esekti mal sanap edi. Bizdiń aýylda esek balalardyń oıynshyǵy. Tarpań tulparǵa minýge áli shamasy jete bermeıtin 4 jasar balalar esekpen oınaıdy. Oıyn balasynyń esegin ustap alyp, « qazaqtar osylaı toı jasaıdy», - degenderine jol bolsyn. Kerisinshe, Degeres -álemge júırik jylqylarymen aty máshhúr bolǵan aýyl. Al qazaqtar toıynda esekti saltanatty etip bezendirip minedi degen shylǵı ótirik. Bankten nesıe alsa da, balasyna bir toı jasap, appaq mashınaǵa mingizetin de qazaqtar emes pe? Qazaqtyń nesıege alǵan aqshasyn qaltasyna basyp, ózin keleke  etip ketetin juldyzdarǵa aýyldyqtardyń ókpesi qara qazandaı. Biz osy fılm arqyly Nurtas kúlli qazaqty kelemejge aınaldyrdy dep esepteımiz. »,-dedi aýyl turǵyny .

 "Sábına kelin" komedıalyq fılminiń birinshi bólimi bes kún ishinde prokatta 600 myń dollar aqsha jınaǵan bolatyn. Sábına kelin týraly fılmdi túsirýge 300 myń dollar (54,6 mıllıon teńge) jumsalǵan.

Aınur Tóleý