Killa Kolya degen laqap atpen óner kórsetip júrgen qazaqstandyq Nıkolaı Chernıkov Shyǵys Eýropany tańǵaldyrdy, ol Tbılısıde ótken breık-danstan Red Bull BC One 2015 týrnırinde jeńimpaz atandy. Bul týraly "Qamshy" portaly Tengrinews.kz-ke silteme jasaı otyryp habarlaıdy.
Endi ol 14 qarashada Italıada ótetin álemdik jarysta Qazaqstannyń namysyn qorǵaıdy. Red Bull BC One tarıhynda tuńǵysh ret qazaqstandyq álemdik sahnada óner kórsetedi.
"Tbılısıge ushyp kelgende, jalǵyz oı jeńis boldy. Eki jyl buryn Kıevte ótken dál osyndaı fınalda men ekinshi aınalymda jeńilis taptym. Baǵymdy taǵy bir márte synap kórý úshin osy kúndi asyǵa kúttim", - dedi ol.
Killa Kolya fınalda Ýkraına qatysýshysy Robin-men baq synasty. Olardyń ekeýi de ózindik erekshe stılmen óner kórsetti, alaıda ádil qazylar alqasy bir aýyzdan Killa Kolya-ǵa daýys berdi. "Fınal keremet boldy. Men qatysýshylardyń deńgeıi osynshalyq joǵary bolady dep oılaǵan joqpyn", - dedi sýdıa, Red Bull BC One Lilou eki dúrkin álem chempıony.
