Resmı málimetterge súıensek, 2015 jyldyń 1-qańtaryndaǵy esep boıynsha, 150 436 qazaqstandyq onkoaýrýlar boıynsha esepte tur.  Bul týraly «Qamshy» portaly Qazaq onkologıa jáne radıologıa ǴZI baspasóz ortalyǵyna silteme jasaı otyryp habarlaıdy. 2013 jyly bul kórsetkish 146 404 bolǵan edi. Qaterli dertke shaldyqqandar sanynyń kóbeıýi obyrdy alǵashqy satysynda anyqtaý múmkindiginiń artýymen tikeleı baılanysty. Jyl saıyn qaterli isikten  17000 myń adam kóz jumady. Ólim-jitim boıynsha onkologıalyq aýrýlar ekinshi orynda tur.  Demek, otandastarymyzdyń atalmysh aýrýdan aıyǵyp ketýine dárigerler tarapynan mol izdenis qajet.

Sheteldik 13 ǵalym 2 kún boıy otandyq onkologıa qyzmetiniń qurylymy, qaterli isikti erte satysynda anyqtaý baǵdarlamalary jáne tirkeýge alý, qoıý júıesimen tanysty. Qonaqtar onkoınstıtýttyń negizgi baǵyttary týraly aqparat alyp, túrli bólimder men ortalyqtar jumysyn baqylady. Skrınıng baǵdarlamalary boıynsha da ózge qalalyq emhanalarda bolyp qaıtty. Sapar sońynda AQSH-tan kelgen delegasıany QR Densaýlyq saqtaý jáne áleýmettik damý vıse-mınıstri Aleksandr Soı qabyldap, ekijaqty kelissózder júrgizildi.

 «Qamshy» silteıdi